|
رد: سري للغايه
الدخول مع الباب والخروج مع الباب
طيب شئ مفهوم وش عندك لا بس افكر اخترع شئ غير الباب وش تبا تسوي نفق طيب ومن وين يطلع حنا ناقصنا حفريات شوارع وحفريات مشاريع ما تنتهي بالسنين والمقاول لا حس ولا خبر انا فيه ناس يطالبوني بفلوس وما اقدر اخرج مع الباب ودي اسوي نفق الين وسط الاداره ودي اسوي نفق الين السوق ودي اسوي نفق الين 000000 طيب والمسجد لا معذور ما اقدر يلقاني ويسلمني للشرطه يعني كل شئ لازم تروحله الا المسجد معذور ليه يا اخي ليه 0 |
رد: سري للغايه
بلاش غيره يا عوض
وشوف انت وش يصير لك وانت جالس بالمنتدى ما غير الخدامه تلف من هالورق وترمي وساعه وهي راجعه تلف من هالورق الين بالاخير قالت لك ايس هادا كلو نفر انتى يرمي ورق ليه انا تأبانا لمي لمي لمي لمي لمي ورق كل دقيقه ما فيه سغل تاني اسبيه قولي نفر تاني مابيه يرمي ورق رقم انتي خلي هو يدي باليد اهسن ايوا هبيبي انت هلو نفر كله رقمي انتي 0 حرام عليك اتعبت الغلبانه خلها ترتاح يا عوض شوفلك صرفه مع هالمرقمين حتى ما جد رامي لك بطاقة الاحوال وبطاقة الصراف وكرت الدخول للعمل واستمارة السيارة الجديده افهم يا اخي انا قاعد ارمي عليك لوحات السياره اجبر بخاطرنا شوي وعطنا وجه |
رد: سري للغايه
هذا انا اسري وانا نيم
اذا كان فيه شئ مشغلني المهم في يوم من الايام كنت داخل للبيت وفي الدرج طاحت بيضه وانكسرت جاء الحارس وغسله بس انا على بال الحارس يغسل كنت قلقان عشان الناس ما يقعون فيه المهم رحت نمت وبالساعة ثلاث وانا صاحي وخارج من الغرفه وعلى المطبخ واخذ سطل به ماء ومكنسه ومساحه وهات يا غسيل للدرج وتدور علي المره ولا انا في الدرج وتصوت علي تعال وانا رايح فيها اسبوع نظافه عودت لست عبايتها وشدتني للبيت وساعتها صحيت لنفسي 0 والمشئ اثناء النوم مسوي لي احراجات كثيره 0 |
رد: سري للغايه
هذا مرة وانا جاي بعد صلاة العشاء
لقيت كفر السياره مبنشر وقلت اتركها شوي اسويها بعد الساعه عشر رجعت وسويت الكفر عشان المدارس الصبح بس من قلقي على الكقر في الساعة الثانية والنصف او اكثر مشيت من النوم ودقيت على باب جاري الرجال صحى من النوم قال مين قلت له انا عرف صوتي الرجال قلق بسرعه فتح الباب خير قلت له لا بس ابغى مفتاح السياره ابغى اخذ العفرته ابا اسوي كفر السياره مبنشر الرجال قال طيب وعطاني المفتاح ودقت زوجته على زوجتي تخبرها وهي اصل على علم بهذا الموضوع بس الحريم هن يدسن شئ المهم لحقت بي زوجتي وطلعتني البيت وانا قاعد ابا افك بالكفر وانا صلحته قبل ما انام بس بلوى الله يخارجنا منها 0 |
رد: سري للغايه
هذا مره فيه زميل كل يوم ليه ما تزورني
يا ابن الحلال ابشر لغير ازورك وكل يوم على هالحاله وانا نايم قمت ومشيت لبيت الرجال والله انه على النعت والبيت حقه بعيد وصعب الوصول له لو كنت صاحي بس سبحان الله المهم وقبل صلاة الفجر بساعه وانا ادق على باب بيت الرجال ولا والله يوم قال طيب مين وجا يعدي اكيد قال فيه كارثة صايره لأحد ولا ما احد يدق هذا الوقت ويوم فك الباب ولا انا قدامه الصراحه صحيت فجأه وانا قدامه خير قلت له لا بس ابا اغسل وجهي سلامات قلت لا بس انا مسافر وجبت ابناء جاري يدرسون بالمدرسه حوليكم وخفت ما احد يجيبهم وانا مسافر وحبيت اجيبهم قبل ما اسافر وابوهم موصيني عليهم والله ما فيه لا طلبه ولا غيره بس وش اقوله موقف صعب ومشيت للبيت والحمد لله انه ما صار لي حادث وانا ماشي |
رد: سري للغايه
[size=5][align=center][color=#0000FF]اخوي المثري
الناس ماسلمتك منك صاحي اثاريك مبهذل فيهم وانت نايم امحق جار[/color][/align] [/size] |
رد: سري للغايه
جهز نفسك يا عوض جاد الله عليهم (قصدي ياالخلف)
انتبه ترى ماجد مسوي لك دعاية شينه بالحيل يقول انك لو رشحناك احسن لا عب بالعالم ما تكسب التحدي وانا اقوله لو بالطيري يقول لو بلعبة الطيري ويقول انه هو يعني يتحدث عن نفسه لو بس جرى الجمهور كله يا قف له ويصفق له اما انت قم بس قم يعني ما عندك سالقه واحنا وياه كنا جالسين البارح عند الجماعه الي بدلهي ويقول هذا عوض ما هو غير متشبط بي عشان ياصل معي المهم كلام كثير اذا شفته هد عليه الاسود حقتك خله يعرف مقدارك اذا وقفتها عنه بعد ما يستحما بعرقه |
رد: سري للغايه
اليوم باجيب لكم سالفة
هذا تخبرون الطقطيقه ام ريال خرزتين بحبل والورعان ما غير تطقطق بها ازعجونا لليل ونهار وعوض الخلف وماجد الشماسي انا وين رحت ارجع اعمل يوترن المهم اشترو عيالي اثنتين انا رافض الفكره كليا زعلت عليهم بالليل حطيتها في جيبي الصبح اذن رحت المسجد وهي في جيبي كان موجود مصري وواحد من اهل الجنوب وواحدشيبه المهم طلعت لا شعوريا اللعبه الطقطيقه ولعبت بها ومشت صارت طقطقطقطقطقطقطقطقطقطقطقطقطقطقطقطقطقطقطقطقط المهم طولت بالحيل وانا اما ادري ان المكبرات شغاله ولا دريت الا الناس داخلين علينا المسجد يولد ياولد ولا المصري مبسوط تعرفون انتم العامل على دين كفيله اما الشيبه يحسبها بالشارع يقول هالورعان ذول حتى الفجر يالعبون بالهلبليه وبس واغمز للمصري واحطها ف جيبي والي من الجنوب يضحك والناس وش ذا الورع وينه ذا تصديت لهم وش فيه واحد يطقطق ازعج الناس قلنا لهم هذا ابتكار جديد عشان تجون للصلاة هالحين الآذان له كم يأذن الفجر ما عمركم جيتم للمسجد هالحين الطقطيقه جابتكم توضو وصلو هذااختراع جديد لتصحية النائمين |
رد: سري للغايه
قبل يمكن خمسه وعشرين سنه تقريبا
دخلت معرض سيارات والمعرض جديد قلت اشوف السيارات واعلم عن ما بداخلها واتحسر على سيارتي شوي المهم مكتوب على وحده من هالسيارات خذ هذه السيارة لك طلعت وركبت السياره وسقتها الين باب الخروج وقفني الامن وين قلت مكتوب عليها خذ هذه السياره لك قال اقولك رجعها دايرني اجيبلك الشرطا يعني ما هو المطلوب اني اخذ السياره قال لا المهم بعد ما جو الناس رحت انا بعد اسبوع قالي واحد تخبر السياره الي رجعك الامن ما تاخذها قلت ايه قال جا واحد ركب فيها واخذها وفتحوله الباب وقالوله مبروك قلت له انا شفت ان الادايين بالمعرض اهربو يوم وصلت باب المعرض بالسياره وخلو الامن يرجعني هم ما هم معلمين الامن واذا اخذها واحد غير المقصود يرجعه الامن واذا جاء المقصود مشو يمينه ويساره ويقولون للأمن فك الباب مبروك عليك السياره عندنااساليب دعايه نصب واحتيال وجزم بأن وزارة التجاره في شهر العسل |
رد: سري للغايه
واحد جاته بنيه وكنه يحب امها واجد
فسمع بالمثل الي يقول حط القدر على فمها تطلع البنت لمها هذا صاحبنا جاب القدر والبنيه الضعيفه نايمه ويحط القدر على فمها والمقصود يحط القدر على فم القدر بس هو حطه على فم البنت من ثقله جيت وسلع ما طلعت سنونها وعمرها عشر سنين والقدر لسع على فمها وعشان الناس ما تسوي زي صاحبنا غيرنا قول المثل الى اقلب القدر على فمها تطلع البنت لمها |
| الساعة الآن 09:31. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها