منتديات سبيع الغلباء - عفا الله عن عين إليا مـن كـل نـام = جفاها المنام وسبلـت مـاء مدامعهـا

[QUOTE=خيال الغلباء;139624][B][size=4][align=center]بسم الله الرحمن الرحيم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد قال : الشاعر الكبير الحكيم شاعر الزهد والورع المعاصر / غازي بن دخيل الله بن عون الرويس العتيبي هذه القصيدة في الدنيا أو بقعاء كما سماها ووصف أحوالها وضمنها بعض النصح وعندما تسمع أولها تظنها غزلية وهي في الحقيقة غير ذلك وقد أسندها إلى أبو حمود وهو أحد أصدقائه من أبناء قبيلة سبيع بن عامر الغلباء فإليكموها :

[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
عفا الله عن عين إليـا مـن كـل نـام= جفاها المنام وسبلـت مـاء مدامعهـا
تفيض ومخازنها بزرق الدموع اجمام =ولا تقلـع إلا ليـن تنضـب منابعهـا
إليا من عينـي جفنهـا عن منامـه شـام =تجافا الجنوب من السهر عن مضاجعها
وقلبي يجـي للهم منجـاع واستجمـام =همـوم يقبلهـا والأخـرى يوادعهـا
سبايب فتاة رمحها من ثمـان أعـوام =يخج الضلوع وبسـرة الكبـد فالعهـا
فتاة تخادعني بالإغضـاي والسلهـام= وتجر العواطف ليـن فيهـا تطمعهـا
إليا أقفت ترخي عن صغار الثمان إلثام= وعن وجنة بالوشم الأزرق ترودعهـا
ولا شفتهـا يقتادنـي شوقهـا بخطـام= وريعت معها عقب صملـت أقاطعهـا
إليا جيت أوادعها تقول الوعـد قـدام= وطمعت بمبادي وصلها من تواضعها
ولا كنت أظن وعودها لي خدع وأوهام =ولا أظنهـا يمشـي علـي تصنعهـا
ولا كنت أظن بحسنها قبلي أحـد هـام =ولا قبلي أخذت جاهل فـي مذارعهـا
وبعد فعلها نيم الضحى من منامه قـام =ودرى عن مغيب انجومها من مطالعها
دريت إنها قد عذبت نسل حام وسـام =نصوب لعوب مـا تخلـي طبايعهـا
تعشر بلا زوج ونماها يجـون أتـوام= إليا أظنت نماها خانت اللـي مبايعهـا
يا كم بايعت من روس قوم ومن حكـام =بقت دورهم شهـب قفـور بلاقعهـا
خراب غراب البين فوقه يجـر أنغـام= وأهلها المنايـا جودتهـم بأصابعهـا
غدى ذكرهم بين البرايا تقول أحـلام= تحت قاعها صرعـى خلـي مرابعهـا
وكم جندلت من فارس فالوغى مقـدام= اصرعته وهو محتال فيها يصارعهـا
وبحر مكرها للي يعومون مـا ينعـام= ومن لا تطيعـه مالـه إلا يطاوعهـا
أثر تركي بن حميد معذور ما ينـلام =بدنيـاه لـو حـرج عليهـا يبيعهـا
ومثل ما ذكر تركي إليا صرت الأقلام =هل الحكي كثر الحكي ما عاد ينفعهـا
فلو البقى والمجـد والعـز لأحـد دام =تجلت نجوم الأنبيـاء فـي مواقعهـا
ولا نكست راية ملوك اليمـن والشـام =وهي ما أحد يقدر مـن أول ينازعهـا
لكن البقـى للواحـد المؤمـن السـلام =فهو رافع الرايه بحكمـه وواضعهـا
وبقعا مثل مـا قيـل لو إنهـا تنسـام= بعد ما ظهر لي مكرها مـع مخادعهـا
لأحرج على بقعا مثل قرشة الأيتـام =وأخليـه لا حـرّج يقـنـع مقنعـهـا
ولا أستثني إلا طاعة الواحـد العـلام= جزيل العطا مفني البرايـا وجامعهـا
بيومى (ن) يثبـت فيـه للمؤمنيـن أقـدام= ويجي فيه لأقدام الشقي ما يزعزعهـا
ورفقة مشاكيل عـزاز حشـام كـرام =لضيقة ضميري عندهم مـا يوسعهـا
أبادلهم الأشعار شروى هـل الدمـام =بروح عليهم دافـع الشـوق يدفعهـا
من الواد وادي سبيع نقريهـم السـلام= تحية شفوق من ضميـره يروجعهـا
وأخص الأديب أبو حمود الكريم اشمام =وعلى الربع منـي بالنيابـه يوزعهـا
وبأزكى الصلاة الطاهره والسلام ختام =على مسس السنـه ومعلـن شرايعهـا [/poem]

أخي الكريم / مخايل الغربي السلام عليكم ورحمة الله وبركاته وبعد : شكرا جزيلا لك على القصيدة الجميلة والمعبرة وصح لسان الشاعر الكبير / غازي بن دخيل الله بن عون الرويس العتيبي وسلم نبضه وبنانه وإعتلا شأنه والله يعافيك ويبارك فيك ويجزاك خيرا مع خالص التحية وأطيب الأمنيات واسلم وسلم والسلام .[/align][/size][/B][/QUOTE]

[size=7][align=center]أخوي / جعد الوبر شكرا لمرورك الكريم وصح لسان الشاعر / غازي بن عون الرويس العتيبي .[/align][/size]