رد : الفزعه يا سبيع أرجو الدخووول!!
 

[size=7]أبشر بالفزعه ياسبيعي123 وراجع موقعهم تحت موضوع حقيقة الصمان[/size]

رد : الفزعه يا سبيع أرجو الدخووول!!
 

[size=5]لقد حذفوا الموضوع وطردوني الحقيقه مره ولا يتقبلها أحد هذه الأيام

وليست القصـيـده هذه الكامـلـه لعـجـران بن شرفي شيخ العلي من سبيع معاصر الامام عبدالله الفيصل في الصمان الادليل

على أمتلاك سبيع لصمان بحد السيف في وقته ورعيهم له في الربيع اما وقت الأمن فأن قرية العيطليه والعمانيه والشملول

ليست الا دلائل على مصداقية كلامي

والقصيده هي


حتيش يابن فهيد لو صـار كشـاف
بـارق خريـف يـم دار امصـده

عسى الحياء يسقي لنا وادي الغـاف
من روضة التنهـاة لخريـم حـده

عساه ياغب النباء عقـب الانكـاف
عساه يسقـي المدهـل الـي نـوده

حدر على الصمان للبـرق رفـراف
ان بكـر الوسمـي علـى مستـعـده

[size=6]دار لنـا فيهـا مقيـظن ومصيـاف
ومشتـا ومربـاعن وكـل نـضـده [/size]

دار حميناهـا بضـربن بالاسيـاف
يـومن كـل حامـي ورث جــده

ياحلو رعي العشب فيها ليا زاف
وجني الزبيدي في غـذا كـل خـده

في خايعن وان دشته سمر الاشغـاف
قدامهـا الصقـار طيـره يـهـده

دار ولينهـا بظـربن بالاسـيـاف
يومـاً كـل حاميـاً ورث جــده

منها العتيبي نرفعها فـوق قطـاف
والدوسـري عنـا جنـوب ابحـده

وراكان عنا نقلعـه يـم الاسيـاف
والا المطيري عـارف راس حـده

لي لابـة مركابهم كـل مزغـاف
متحـــيزمينن بينهـم باالاعــده

ياجاهلن في لابتـي منـت عـراف
حريبهـم يمسـي وكبـده مضـده

وكم شيخ قوم لانوي لـه بالأتـلاف
من ضرب ربعي ياكل الرمل خـده

ومن ضمن قصيده لشاعر / محمد بن حيلان بن مبارك الادغم رحمه الله

[size=6]ومربعنا الصمان لازان نبته **** غصبن على الزعلان والحسود[/size]

والدلائل كثيره ولكن ماعليك منهم وانا اخوك[/size]

رد : الفزعه يا سبيع أرجو الدخووول!!
 

مشكور مال العافيه لاهنت على الحميه

رد : الفزعه يا سبيع أرجو الدخووول!!
 

لا هنت اخوي النمر بارك الله فيك

رد : الفزعه يا سبيع أرجو الدخووول!!
 

يعطيكم العافية جميعا

رد : الفزعه يا سبيع أرجو الدخووول!!
 

يعطيكم العافيه جميعا

رد : الفزعه يا سبيع أرجو الدخووول!!
 

الصمان للسبعان

رد : الفزعه يا سبيع أرجو الدخووول!!
 

الله لاهينك أخوي النمر وانا توني أطلع على ردك اعذرني على التأخير

لكن والله انك أثلجت صدري وانا كنت أدور على قصيدة عجران بن شرفي كاملة لأنهم غثونا بذالبيت

عسى الحيا يسقي لنا وادي الغاف *********** من روضة التنهاة لخريم حده

مثل اللي يقول ( ولا تقربوا الصلاة ...) ويسكت !

بس أنا ما أعم مطير لأن فيهم رجال واعرفهم زين ومعاشرهم لكن أنا أقول ولو تلاحظ أكثر ذاللي يهايطون ما تعدت أعمارهم ال18 سنة او 20 يعني بزارين يسمعون كلام واحد في مجلس ..و وزز على طول انشروا الاشاعه ويضيفون عليها على المزاج وحنا ذبحنا قرانديزر بالصمان!!

قسم بالله ما شوه سمعة مطير الاهم وكذالك مع قبيلة عنزه والحروب الخيالية وانا اعرف لي عقال من مطير يقولون ولا عمرنا سمعنا بها!!

لكن أعتقد أن سبيس تون تلعب دور في هذا المنوال وهذه الحروب اللي سوبرمان يستحي يقولها ..
والفضل يرجع لورعان مطير..

أعذروني اخواني ولكن هذه الحقيقة المرة اللي خلت سمعة المطير عند القبائل سيئة وهم ما يستاهلون..

والمشكله كل ماحطينا موضوع يشرح الحقيقة احذفوه وكل ماسبو الناس خلو الموضوع لا وثبتوه بعد!!




[color=#FF0000]لكن أنا أقول يا جبل ما يهزك ريح والصمان لنا فيه لو انهم يموتون وخل الاشاعات لهم الناس داريه وكل داري وفي قصائد توثق ما أقول وتشهد ..[/color]

رد : الفزعه يا سبيع أرجو الدخووول!!
 

اسف على الرد المتاخر بس حبيت اقولك ان في كتاب سبيع الغلبا قصيده:

هذا بيت من القصيده:

يوم كلن له حدود وديره======= سبيع من بيشه الى الصمان

رد : الفزعه يا سبيع أرجو الدخووول!!
 

مشكور أخي ابومحمد ولاهنت