|
ومن ضرب راسي تراني اضربة !!!!!
ايها الاخوة
الزعول لا يحاورني :mad::D ـــــــ عندليب يقول راسي اصلــــــــعن ***** غادين بالصيف كنه حبحبة لو صفقت الراس تسمع صوت دن ***** ومن ضرب راسي تراني اضربة :D |
جاك الموت يا تارك الصلاة :(
مرحبا يا عمنا قول وتمن***** ومثلك إليا قلت في علمي نبه من كثر تفكيرك وكثر المهن**** راح راسك والخدود مربربه:D |
بلعون ان القراده براسه ولعن *** محد قال له عن الفارس ونبه
ما تدرى ان الزير من ضربتى ون *** تقول صقر معرد بمخلبه :D ردها على ان استطعت |
يسرني أن أمسك الصف وأنا خارج المملكة فقد حنّ القلب إليكم
دمتم سالمين. |
الاخ ابو عمر استلم لا هنت :
مرحبا بــــــالي ردودة يضحكن **** شاف خدي بارز(ن)ثم انتبه:cool: يا عميلي ضاري لضرب السمن*** ماني مثل اللي هزيل(ن) منكبه |
الاخ مو صاحي يشرفني وجودك يا الحر :
وحب اقولك سبقك بها عكاشه ! يمكن انك ما نتبهت لرد ابو عمر ..... على كل حال كفانا الله شرك يوم تقول : ما تدرى ان الزير من ضربتى ون *** تقول صقر معرد بمخلبه خطيررررر ياموصاحي ....بس تدري شلون ترى الزير من تلاميذ تلاميذي :D |
الاخ طويق :
ماسك الصف ! حياك الله فعلا يا طويق ان العالم الكبير سار عالم صغير قرية صغيره زي ما يقولوا ! شوف انت وين وحنا وين حنا تحت الشمس والهواء الحار ونت تلقاك في ديار الماء والخضرة والجو الحسن ( ما شا الله ) حتى ما تقول ابوشنب حسدني : ومع هذا البعد ما سك الصف : :D لووووووووووووول يا دنيا ارجعك الله سالم غانم الى بلدك .. |
هاك إياها واعذرني على التأخر ( ذبحتنا الصيفيه):)
طاحت اسنونك وخشمك افطسن*****والشنبات الطويلة مسهبة عندليب (ن) ما يجي درب الفتن***** شاطر يعرف يسوق المركبه |
رد
الأخ عندليب السلامات
ماشاءالله اثرك شاعر وانامادرينا الصفوف يا عيال |
مساااا الخير ................... الله يعينك على الحر عليك بالمكيف الجبسن ;)
طاحت سنوني وطيحها الزمن **** والطقم ماني من اللي يركبه الشنب راعيه مكرم بالوطن **** راعي اللحية خطيرا تنكبة |
هلا فيك يالواسطة
شكرا على مرورك ... ودي اسير عند حسن ضنك |
اللحاء من دينا يا ابو عفن*****والشنب لو طال بالموس أعطبه
والكرامة عند ربك والكفن*****لبست الناشب ليا كثر انشبه |
اللحاء من ديننا يبو النتن**** والشنب راعية ليش يعيبه
اسئل الحاير عن اللي بالسجن*** وشوف شكل اللي زها في موكبه ! |
خطير يالعندليب :)
, , , السجن ما هوب مثل أكل التبن****وكل شيء يا شديد مرتبه كان تبغانا نوصلها عدن****جهز الموتر وهات المعطبة |
اووووه يبو عمر الظاهر انا اللي سرت زعول ......
قال خطير قال ... ولا خطير ولا شي خلها على ربك ... شايب يالله حسن الخاتمه :D ابوعمر ..... اسعدني كثيرا التحاور مع شاعر مثلك والحقيقة اني استفدت من اسلوبك ولا شك في ذلك ..... شكرا لك يالذيب ... والسموحة كان زلينا ... وتقبل تحياتي وحترامي .... احوك , |
اشوف مالك مداخلة ......
طيب استلم يا ابا عمر .... شف ذياب الليل قامن ا وعون ***** ذيبنا ناوي يدسم مخلبه كان تبغانا نوصلها اليمن **** شد بحزام الاماني وكربه |
السلام عليكم يا عندليب السلامات
هلا بك كل شيء يا عميلي له ثمن**** اطلب الجنة وخل المتربه خايف تخبر ليا جات المحن**** شكل راسك ما يداني الطبطبه |
وعليكم السلام
وستلم يبو عمر : الشنبات الطويلة قرقرن:D **** من بيوت اللي قصيرا شاربه:mad: هبت الشملا عليكم وستكن :eek:*** من يحاربنا ترانا نحاربه:mad: |
عندليب مخرق في كل أذن**** وأن سجن يجيب كل أقاربه
عقب ما تسجن نبي نبكي حزن****راح قايدنا في بطن الغاربه |
ماني سياسين ولاني مجرمن **** و لبست الحلقان هاذي عايبه
ادرس الموضوع ان كانك فطن*** وسج درب اهل النفوس التايبه |
ابو عمر
عندليب السلامات تسجيل اعجاب بشاعرين كبار بيض الله وجيهكم ولا هنتوا واصلوا واصلوا اخوكم بن جراح |
فاتتنا يالله خيرها بغيرها
صح السان الجميع |
أشكر أخي عندليب السلامات على هذه المحاورة اللطيفه .
وأتمنى منه بذل المزيد من الجهد لخدمة هذا المنتدى حيث يمتلك روح رياضية فذه :) |
الاخ بن جراح
حياك الله اخوي وابقاك ... مشكور على مرورك وتعليقك لك كل تحية وحترام . ــــــــــــ نديم القوافي مساك الله بالخير وجعل الله ايامك شعر ومسرات :) ــــــــــــــ الاخ ابو عمر بيض الله وجهك يالكريم وعذرني كان به قصور ... ــــــــــــــ سبحانك اللهم وبحمدك اشهد ان لااله الاانت استغفرك واتوب اليك .. |
لا يغرك الشنب تجي حالات يبتل من الدمع !
|
لالالالالالالالالالا حشاه ه تصدق اني حاسدك على هالشنب ....احم ....قصدي غابطك
شكرا لك مره اخري |
| الساعة الآن 16:24. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها