مريتك البـارح علـى هجعـة النـاس ( الله اكبر )
 

[poem=font="Simplified Arabic,6,white,normal,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black"]
مريتك البـارح علـى هجعـة النـاس=وصدفتنـي بيـن الحنايـا وعـديـت
العيـن ماتعـلا علـى الليـل بنعـاس=لو تلتفـت ماقلـت لـك ليـه صديـت
ياحاطب الايـام جـوّد علـى الفـاس=اقـول وانـت تجـزّ الاحـلام اقديـت
انت انكسرت وطاح من كفـك الكـاس=هاك الشعور اللي على القـاع ارديـت
انا النهار اليـا كسـف كـل قرطـاس=ساعـة تبيّـن لـي جبينـك وعديـت
كتبـت لـك ياموقـد الفكـر بالـراس=وفي محجر عيـون القصايـد تهاديـت
ماتطلبه من صافـي الـود باحسـاس=وماتاخذه عقـب البطـا لـو تماديـت
شفني معك لو غبت في وسط هالنـاس=يعني على اكمل حـب ياوجـه اديـت
كبرت وهانـت قلـت ياقلـب لابـاس=يشفـع لـك انـك وافـيٍ ماتـرديـت
جمعت كل اللي مضى بيـن الاقـواس=واطلقـت قلبـي للهبايـب وهـديـت
في جوف مسرى الليل لي رمش عساس=وصوتٍ تجاوز نبترتـي يـوم ناديـت
مـن كـل هـمٍ للمسافـات مقـيـاس=وامسيت في قلبي وانـا منـك شديـت
ويللي خذيت من العمر كـل الأنفـاس=بالله قلـي عقبهـا ويــش رديــت
هذي جروحك بين الاضـلاع جـلاس=شف من قديم الجرح كيـف استجديـت [/poem]



الشاعر / فوزي الخالدي