عطونا علوم الأمطار يالنشامى
 

السلام عليكم

هطلت صباح هذا اليوم أمطار متوسطة على مدينة الرياض سالت على أثرها الشوارع والمرازيم :) ( المثاعب عندأهل الرياض ) وغرقت بعض السيارات ( شرقاً ) حيث لايوجد تصاريف كافية لسيول الأمطار .




وننتظر تقاريركم عن جميع البلدان التي تسكنونها

رد : عطونا علوم الأمطار يالنشامى
 

المولع من سلوى يوافيكم بالتقرير التالي :


هطلت على مركز سلوى الحدودي امطار صباح هذا اليوم جعلها الله أمطار خير وبركه وعم بنفعها ارجاء سلوى ...

والله ماعرف احكي مثل الاخبار بس هاكم علومي :

من اليوم الصباح والمطر ديم على مركز سلوى وأجزاء من صحراء الربع الخالي ...الى ذلحين والمطر يطقنا ...

وبيننا وبين البطحاء وبيننا وبين تماني الماطر واحد ,,, بس الاحساء والله ماجانا منه لهالحين ,,,

وعسى الله يرزق المسلمين .. وانا ادري انه ماحد منكم حايلن يمنا بس بنذكر لكم المطر ,,,

مع تحياتي انا وأعوذ بالله من الونا .

رد : عطونا علوم الأمطار يالنشامى
 

بيض الله وجهك يالمولع



و الله يرزق كل في بلاده :)



وديان سبيع ما جاك منها؟

رد : عطونا علوم الأمطار يالنشامى
 

الف شكر بو عمر

المولع الحساء امس جاها مطر ومن اليوم ماجانا مطر بس الجو خيالي

اللهم زد وبارك

تقبل اعز تحياتي

رد : عطونا علوم الأمطار يالنشامى
 

شكرا لك يا المفالحة



وإن شاء الله تكون جميع ديار سبيع ممطوره وعامة المسلمين

رد : عطونا علوم الأمطار يالنشامى
 

مسيتوا بالخير كلكم ,,,

رنيه والله ماذكر لي جاها شي ,,,

وعسى الله يرزق المسلمين كلهم ويحيي الارض ,,,

هذي علومي,,,

رد : عطونا علوم الأمطار يالنشامى
 

زانت علومك



لك أطيب تحية

رد : عطونا علوم الأمطار يالنشامى
 

[align=center][size=4][font=Arial Black][color=#000000]مراسل الخرج:اليوم مع الفجر أمطار على الخرج(رشه :اللي يدفن الجره)

أو شرح ثاني للحضر:هطلت صباح هذا اليوم أمطار متوسطة على محافظة الخرج سالت على أثرها الشوارع والمرازيم:)

وبعدين تراني ماخذت علوم الخرج كله هذي أمطار حارتنا لايجيني واحد يقول أنت قايل كذا الأمطار على حي السلام

الباقي مأدري عنه[/color][/font][/size][/align]

رد : عطونا علوم الأمطار يالنشامى
 

[align=center][size=4]الحمدلله الحمدلله الحمدلله

اللهم سقياء رحمه لا سقياء عذاب
اللهم ارزقنا الغيث ولاتجعلنا من القانطين.

شكرااا للاخوان وزانت علومكم وبيض الله وجيهكم..............[/size][/align]


[color=#0000FF][align=center][size=4]ابوبنــــــدر: ياخوي تراء ماطر الرياض والخرج واحد السيول اغرقت الشوارع والسيارات وبحيرة التماسيح رقم 13 مستحيلة الحلول بتشتغل وانت تقول (يدفن الجره).[/size][/align][/color]

رد : عطونا علوم الأمطار يالنشامى
 

[QUOTE=أبو يزيد;77192]
[color=#0000FF][align=center][size=4]ابوبنــــــدر: ياخوي تراء ماطر الرياض والخرج واحد السيول اغرقت الشوارع والسيارات وبحيرة التماسيح رقم 13 مستحيلة الحلول بتشتغل وانت تقول (يدفن الجره).[/size][/align][/color][/QUOTE]

[align=center][size=4][font=Arial Black][color=#800080][B]أهم شي إنتبهوا للباصات حقت البنات بكره مسوين فرق إنقاذ:D [/B][/color][/font][/size][/align]