ياعيال دوكـم لحـيتـي كـلـهـا شـيــب
 

[align=center]بسم الله الرحمن الرحيم[/align]

[align=center]هذي القصيده لشاعر كبير بالسن وجد عقوق من اولاده الثلاثه لما زوجهم كلن راح مع زوجته وتركوه وحيد عاجز فقال هذة القصيدة[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=1 line=1 align=center use=ex num="0,black"]
قال الـــــــــــــــذي يقرا بليا مكاتيب=ياللي تقرون العمى من عناكم

ياعيالي اللي تشرفون الــــــمراقيب=تريضوا لي واقصروا من خطاكم

خوذوا كلام الصـــــــدق مابه تكاذيب=مثل السند مضموم للي وراكم

ياعيال لا صــــــــــــرتوا ضيوف ومعازيب=ترى الكلام الزين ملحة قراكم

وتروا السبابه مـــــــــــن كبار العذاريب=وهرج البلايس مايطول لحاكم

المذهب الطيــــــب فهو مذهب الطيب =والمذهب الخايب يبور نساكم

ياعــــــــــــــــــيال ماسرحتكم باللواهيب=ياعيال ماعمر المعزب ولاكم

ياما توليت القبايل تــــــــــــــــــقل ذيب =من خوف لاينقص عليكم عشاكم

وياما شريت الســـــمن من عرض ماجيب=يفز قلبي يوم يبكي حداكم

وياما قطعت مــــــــــن الفيافي العباعيب=ندور من صيد البراري غداكم

ياعيال دوكم لحيـــــــــــــــتي كلها شيب=هذا زمان قعودنا في ذراكم

قمت اتوكا فوق عــــــــــــــــــوج المصاليب=عطوني القرضه جزى من جزاكم

لابد يومٍ عـــــــــــــــــــــاوي دوني الذيب=بالقبر ما افرق طيبكم مع رداكم

ماني بفا ضـــــــــــحكم بوسط الاجانيب=باعمالكم يدرون كل اقرباكم

لوكان تدرون الــــــــــــــردى والمغاليب=صرتوا مع المخلوق مثل خوياكم

خوالكم بالطيـــــــــــب تروي المغاليب=ولو تتبعون الجد محد(ن) شناكم

وش علمـــــــــكم ياتاركين المواجيب=حسبي عليكم هالردى وين جاكم

يالله عسى اعــــماركم شمسها تغيب=ويعتم قمركم ثم تظلم سماكم

ياعلكم في حامــــــــــــــــيات اللواهيب=ياللي على الوالد خبيثٍ لغاكم

شفت الجفا والحـــــــــــيف والغلب والريب=بضلوعكم لا بيض الله قراكم

اطلب عسى نساكم ماتحمل ولا تجيب=ولا احد من الوغدان يمشي وراكم

اخسوا خســــــــــــــــــيتوا ياكبار اللغابيب=اهبوا هبيتوا يقطع الله نماكم[/poem]

[align=center]وسلامتكم القصيدة للشاعر جحيش السرحاني[/align]

رد : ياعيال دوكـم لحـيتـي كـلـهـا شـيــب
 

[color=#0000FF][align=center][size=5]اعوذ بالله من قطيعة الرحم

شكرااا لك يامنصور على نقل هذه العظه والعبره[/size][/align][/color]

رد : ياعيال دوكـم لحـيتـي كـلـهـا شـيــب
 

[align=center][B][size=5][font=Arial Black]شكرااا لك يامنصور على نقل هذه العظه والعبره
ونسال الله السلامة[/font][/size][/B][/align]

رد : ياعيال دوكـم لحـيتـي كـلـهـا شـيــب
 

[align=center]يا هلا وغلا بخوي ابو يزيد
شكراً لحضورك[/align]

رد : ياعيال دوكـم لحـيتـي كـلـهـا شـيــب
 

[align=center]نسأل الله العافية والسلامة
شكراً لك ابو نايف[/align]

رد : ياعيال دوكـم لحـيتـي كـلـهـا شـيــب
 

[align=center]مشكور يالفتى منصور[/align]

{وَاعْبُدُواْ اللّهَ وَلاَ تُشْرِكُواْ بِهِ شَيْئاً [color=#FF0000]وَبِالْوَالِدَيْنِ إِحْسَاناً [/color]وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالجَنبِ وَابْنِ السَّبِيلِ وَمَا مَلَكَتْ أَيْمَانُكُمْ إِنَّ اللّهَ لاَ يُحِبُّ مَن كَانَ مُخْتَالاً فَخُوراً }النساء36

رد : ياعيال دوكـم لحـيتـي كـلـهـا شـيــب
 

[align=center]حياك الله اخوي التوم1 منور يا الغالي[/align]

رد : ياعيال دوكـم لحـيتـي كـلـهـا شـيــب
 

[size=5]ياعيال دوكـم لحيتـي كلهـا شيـب
هـذا زمـان قعودنـا فـي ذراكــم


بيض الله وجهك على المنقول الراااااااائع
ولاهنت .. نفداااااااك[/size]

رد : ياعيال دوكـم لحـيتـي كـلـهـا شـيــب
 

[align=center]حياك الله يا مورد الهايب
أشرقت الصفحة بمرورك
شكراً لك[/align]