منتديات سبيع الغلباء - مرثية رائعة بين مسلط الرجوعي ومحسن الهزاني

السلام عليكم ورحمة الله وبركاته

الفارس مسلط الرعوجي من ال هذال شيوخ عنزة كان من الفرسان الشعراء المشهورين يجمع بينه وبين الشاعر محسن الهزاني الصداقة والعلاقة الوطيدة والنسب واستمرت هذه العلاقة سنينا طويلة ومع كبر وتقدم السن بالفارس مسلط الرعوجي قلت مشاركته بالمعارك وأصبح قومه يرجعون اليه في الاخذ برأيه ومشورته ويروى عنه أنه في اواخر حياته نزل به مرض بساقه ألزمه الفراش فأخذ يرثي نفسه ويتوجد على سنينه الماضية عندما علم أنهم قد حفروا له قبرا زاره صديقه الشاعر محسن الهزاني فأخبره بحاله وأنه قد كتب قصيدة يرثي فيها نفسه وقال أريد أن تسمعها وسأل محسن هل سترثيني بعد موتي قال محسن الهزاني نعم قال اسمعني قال اسمع منك اولا فقال مسلط الرعوجي هذه القصيدة يرثي بها نفسه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال الرعوجي مسلط وافي الاذكار=عصر الخميس وحفرتـي جـددوها
شدوا وخلونـي علـى دفنه الـدار= ياحيسـفــا حتى عباتـي خـذوها
عقب العقاب الصيرمي طفيت النار=لو جمعوا كل الحطب ما اوقدوها
ياحيف نسيوا هدتي هي والاذكار=مواقف صعبة عليهم نسـوهـا
ولانيب غابطهم حذا حل الامطار= لاخيلوا وسمية ونجعوها
واسلاف يبرا له مغاتير ومهار=بوسمية صبيان وايل حموها
وفعايلي تبقى تواريخ وأذكار=يفخر بها التالين لارددوها
وانا بقبري فوقي اللبن وحجار=تبقى ولو طال المدا مانسوها
وسوالفي تبقى قويات وعسار=تفخر بها وايل الى وردوها[/poem]

سمعه محسن الهزاني وقال أنا لاأود أن أسمعك ماقلت لانها محزنة فلزم عليه مسلط الرعوجي الا أن يسمعها فقال محسن الهزاني هذه الابيات يرثيه فيها

[poem=font="MS Dialog,5,black,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ياراكب من فوق مثل السبرتات=حمراء هميم من ابكار معفات
تلقى الكواعب من بنات العمارات=يبكن أخو نوضا على رأس ماطال
يبكن بدم ليس بالدمع يخلط=على عقاب العندليات مسلط
والله فلا مثله على الخيل يقلط=ولانقلن الخيل مثله برجال
يالبيض كبن الحلي والعشارق=وابكن أخو نوضا مروي المطارق
الي ركب من فوق ملس المعارق=لحق الوسيق ورد الاول على تال
عليك يامروي حدود الهواري=ياللي بوجهك للمروة مواري
يمينك أكرم من هبوب الذواري=وأثقل من ايش عند ضربات الابطال
حللت ياما ضيف ليل قريته=وكم عود زان بالملاقا سقيته
وكم ابلج خلف السبايا رميته=عليه شقن العماهيج الابطال
حللت ياما قد حما من مرنه=واركا سنان الرمح بقطيهنه
ياليت غضات البني مابكنه=ولاعليه الرمل بالقبر ينهال
حللت ياريف الهجافا وياريف=والخيل في الميدان مثل الخواطيف
يوم العوادي تنسف البوش تنسيف=عيا عليهن مسلط وافي الافعال
وأن زرفل المظهور وارخا الاعنه=والجيش عرجد والرمك يشعثنه
ادلا على ركن من الخيل كنه=جلمود صخر حطه السيل من عال
ان زرفل المظهور وأقفا مع الريع=واقفن عليه معاجات المصاريع
والغبو شانت به وجيه المداريع=ماشان وجهه بالملاقا ولازال
وأن قرطبوها بالعدد والكراديس=وتقابلت شعث النضا بالملابيس
وتعاقبوا ضرب القنا والعبابيس=يروي حدود السيف من دم الابطال
لاواعشيري ليتني مابكيته=لو في يدي حل وعقد فديته
وبكل ماتملك يميني شريته=بالبوش والغرس المظاليل والمال
لاواعشيري مسلط هو ذرا الجود=لاقي ذرا العليا حجا كل مضهود
اللي اعتلى من فوق ماتقحم العود=الخيل من ضربه عن المال تنجال
اليوم موفي لي ثلاثة عشر يوم=لالذ لي زاد ولاطاب لي نوم
من يوم جاني عن حجا كل مضيوم=ريف المجنا مسلط ذرب الافعال[/poem]