القصيده الثانيه للشاعر سلطان ابن سالم ابن هليمه
 

[COLOR=blue][ALIGN=CENTER]هي قصيده في مدح بني ثور ولا هانوا جميع قبايل
سبيع حيث انهم يستاهلون المدح[/ALIGN][/COLOR]
[poet font="Times New Roman,5,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
الا يالله طالبك ياعظيم الشان= طلبتك يارب البيت حقق مطاليبي
ومطلوبي الجنات والعطف والغفران= وتسهل حسابي لا تدانت محاضيبي
وتمحق اهل التضليل والكفر والطغيان= وتكثر هل الطولات واهل المواجيبي
وانا لا تكلمت اتكلم على برهان= ولدري عن اقدار الزمن وين ترميبي
ادور رضاء ربي ولا اسمع كلام فلان= واحب الخلا لو كان مابه معازيبي
حلاة الرجال الصدق ولا الكذب نقصان=ورميا بلا تسديد ماله مضاريبي
وانا من سلايل لابة جدهم سلطان= هل الطايله مروين حد المحاديبي
الاد الهليمي من على ماضي الازمان= شيوخ تعلو عاليات المراقيبي
وبني ثور فوق الخيل هم عزوة السبعان= لياجالهن مع صحصح البيد تسريبي
اسود ليا من العدو غزه الشيطان= حصون منيعه دون حرش العراقيبي
الاد الوجيرب كلهم في اللقاء فرسان= كلام عليه شهود ماهوب اكاذيبي
من افعالهم ذبح العطاوي على النيشان= براس العبل خلي عشاء الطير والذيبي
وسمي العبل باسمه وفلت له الذيدان= ليا صدرت من عدها شمخ النيبي
عدود رسينه تروي الوارد الظميان= تدلك عليها نايفات المغاريبي
جنوب الحفاير في السهل شرقي الظلعان= شمال العبل مطوية بالطواليبي
ونهار الحنو معروف مع ربعنا العتبان= نهار يخلي الراس يكثر به الشيبي
وانا مالحقته مير يروونه الشيبان= رواة ثقه مانعلم السر والغيبي
حقايق حقيقه والحقايق علمها بان= ولا يربك المياح كثر الدغاليبي
ولاني بحب الكذب والزور والبهتان= حبال الرداء ماتوصل اللي يبي الطيبي
وعسى الله يحمانا من الزود والنقصان= من شان نكسر شوكة اهل العذاريبي
وختم الكلام بطلبة الله الغفران= كلام صحيح وهندبتبه هناديبي
[/poet]

الطيب ما يجي منه الا طيب

جزله ومن راس جزل

وصح لسان شاعرها

ولا هنت على المجهود الرائع ياخو شما

نعم فى بنى ثور

ما يحتاج فريس وشعار :rolleyes:

[poet font="Times New Roman,5,white,bold,normal" bkcolor="transparent" bkimage="backgrounds/21.gif" border="none,4,gray" type=3 line=200% align=center use=ex length=0 char="" num="0,black" filter=""]
الكوكب السيار مرورك هو الذي تشكر عليه
[/poet]

[poet font="Times New Roman,5,white,bold,normal" bkcolor="transparent" bkimage="backgrounds/21.gif" border="none,4,gray" type=3 line=200% align=center use=ex length=0 char="" num="0,black" filter=""]
ماعليكم زود يالاد العسيلي= موصاحي راعي العسيله

[/poet]

صح لسان الشاعر ابو عبدالله
والله والنعم في الهلايمه وبني ثور
وما قصرت يا خو شما على النقل بس ولا عليك امر اتحفنا بقصايد سلطان بن سالم
وعن الهلايمه شيوح بني ثور وياليت بعد عن سيرة الشيخ الحميدي بن مفرح بن هليمه ( عليه رحمة الله) شيخ عموم قبيلة بني ثور
مع خالص تحياتي
الراسي

صح لسان الشاعر سلطان بن سالم
وسلمت يد ابو تركي على نقلها لنا

رد : القصيده الثانيه للشاعر سلطان ابن سالم ابن هليمه
 

قصيده طيبه جدا

اشكر الشاعر والذي نقلها

رد : القصيده الثانيه للشاعر سلطان ابن سالم ابن هليمه
 

الشاعر سلطان ابن سالم شاعر معروف ولاتستغرب عليه الجزاله سواء في الشعر اوغيره من علوم الرجال وبني ثور قبيله عريقه مهما امتدحوها الشعراء لم يوفوها حقها ............. شكرا للقائل والناقل

رد : القصيده الثانيه للشاعر سلطان ابن سالم ابن هليمه
 

لا هنت يا اخوشما ..

وبيض الله وجهك .. والله ومليوون نعم في الهلايمه وفي بني ثور جميع ..

من غير قصور في باقي بني عمي ..

تقبل تحياتي يا بو قاعد ،،

اخوك
محمد بن سلطان الثوري