منتديات سبيع الغلباء - قصيدةعن اعصار قبل 50 سنة

[poem=font="Simplified Arabic,5,darkblue,bold,normal" bkcolor="skyblue" bkimage="backgrounds/41.gif" border="none,4,sandybrown" type=0 line=0 align=center use=ex num="0,black"]
انا مـا تهيالـي بعمـري وهالنـي سوى= ليلة يقلب شعر من حكـى بهـا
يوم على الديبل تطبـع بـه الخشـب =وكم غافل جت قدرتـه مـادرى بهـا
ضربنا بنصف الليل بنصف من الشهر= شهرنـا ربيـع اول بعـدة حسابهـا
في عـام اربـع واربعيـن وثـلاث= والف من الهجـرة لمـن لادرى بهـا
دالـوب غربـي مـن الله مـديـره= ثـلاث ساعـات ينفـض ربابـهـا
والى ضرب بالمـوج موجـه يشيلنـا= وشفنـا الهوايـل يـوم زاد اقتلابهـا
في غبة والموج يركب علـى الدقـل= يـوم هديـر القـوع يقلـب ترابهـا
تفرقـوا مـن غيـر عقـد وجيـرة= ونفـوس زلـم مـا يعـدد حسابهـا
كم جالبـوت بـاول المـوج سمّـرت =وضلعت جزاويها وقصـت خرابهـا
ياما غدا بـه مـن صبـي وشايـب= ومن نوخذ غالي ومـال غـدى بهـا
واهـل الكبايـر عمهـا الله بذنبـهـا =جمعها بوسط الهير واذهـب ذهابهـا
ولـو ان والـي العـرش زاد بدقيقـة= مـاراح منهـم مـن يـرد بجوابهـا
مير انزل الرحمـة وشـرّد عشيرهـا =تسعـة اسهـوم راح فيهـا ومابـهـا
لاهـوش غلمـان نهوشـة ونمتنـع= ولاقارة فـي البـر نزبـن هضابهـا
وفـي راس تنـورة يدفّـن جنـايـز= وفي كل سيف يذكـرون الغثـى بهـا
وخـلاف ذا ياراكـب فـوق حـرة =عمليّـة ناقينـهـا مــن ركابـهـا
وادخل عليها السوق اشتـر شنودهـا= وخفـف عليهـا لا تثقّـل زهابـهـا
اشتـر عقيلـيٍ ونـطـعٍ وجـاعـد= مع بدرة قيسك مـن المـاء شرابهـا
وخله مع الطاروق تضرب بك الخـلا =مـع عبلـة خـل يتطـارد سرابهـا
وملفـاك نجـدٍ مغيـرة كـل منكـر= قواّمـة للـديـن تهـفـي رقابـهـا
دارٍ لنـا للضيـف تــدّي حقـوقـه =مـا بيّعـت فنجالهـا فـي شبابـهـا
يجيك كل مشـورب يطلـب الخبـر= ينشد عن الطبعة وش اللـي جرابهـا
ينشـد ونابـه غـارسٍ فـي ابهامـه= وصـدره مقابيسـه تواقـد لهابـهـا
وكم عيطموسٍ تنثـر الدمـع عينهـا =من عقب الإثمد والطرب في خضابها
طوت ياسها عقب الرجاء من حليلهـا= ومـن حبهـا غـلّ المـودة لجابهـا
تبكـي عشيـرٍ مرمسـات علـومـه= تبكي وهـي مـا فللـت فـي ثيابهـا
وإن طاولت جينـا وشافـوا وجيهنـا= ونفوسنا الوالـي علـى مانـوى بهـا
تمت وصلى الله علـى سيـد البشـر =عداد مـا سـار القلـم فـي كتابهـا [/poem]

:(119):

[color=#FF0000]لايعرف منهو لة منقول

شي عجيب[/color]