الشاعر الشيباني يمدح السبيعي
 

[size=5]السلام عليكم ورحمة الله وبركاته

هذي قصيدة لشاعر الحكمة / عبدالله بن دبسان بن دوخي العتيبي يمدح ويثني على عسكر بن دحام المليحي السبيعي لما وجده من كرم وحسن الضيافة ..............


[align=center]يامدور الكيف روح للمليحيــة
وبيت بن دحام عسكر لاتعدونـــه
أنا الذي شفت ماروثه بعينيـــه
يالومتي كيف غيري مايقولونــــه
له خمرة فوق نار الجمر مركيـــه
والكيف منها لضيفانة يزلونــــــــه
والكيف في دلة الرسلان بريـــــه
والروح في ماتشوف العين مرهونــــــه
اعصير أنا اللي لقيت النجر بالفيـــــه
نجر كما الحوض للتايه يدنونـــــه
النعم عسكر دلاله فيه مجثيـــــة
واللي يمرون بالسكة يشوفونــــــه
فيه الطواريق أغنيها حقيقيــــة
يوم المنافق يشوف الطيب ويخونـــــه
لقيت ربع سوالفهم تجاريــــــة
يوم أبعد الجار عنهم يذمونـــــه
والجار له قيمة ماهيب عاديـــــــة
الجار حقه جميع الخلق يدونـــــه
ياقوم ياشلة الغارات هاذيـــه
لقيت ناس من المعبود ملعونـــــه
الناس فيهم لقيت أمراض نفسيـــــة
الزور معهم على الذمة يشيلونـــــــه
في ذاك واللي هذاك وذاك ثم فيـــــه
والى خلقهم نسوه ولايخافونـــــــه
والناس بأعمالها بالعبث مقفيــــــة
ياويلهم يوم وادي النيل يأتونــــــــه
الكل منهم تذوب سبوت رجليـــــــــــــه
واللي ذكر في كتاب الله ياطونـــــــه
وأنا الذي شفت في دنياي واويــــــــة
الزمرة اللي كثير المال يخشونــــــه
اللي معه مال الـــــــــه منهم عبوديـــــــة
واللي بلا مال عادتهم يسبونـــــــه
لابن المليحي قصيدتنا الشمطريــــــة
عسا هل الكيف والطالة يرودونــــــه
وللبيت نهدي قصيدتنا العتيبيـــــــة
واللي يقولونه عتيبة مايمنونــــــــه
البيت لونه مع أسواره ترابيـــــــــــة
يابين وصفه لمن حبوا يزورونــــــــه
وللبيت بيبان بالتفصيل شرقيـــــــــة
وباب الرياجيل يفتح مايصكونــــــــه
يجيه سكة شمالية جنوبيـــــــــة
والباب مفتوح لون الكيف من لونــــــــــه
شعيب المغواه يقع في شماليـــــــــــة
نسيب الأسلم هل الطالة يعرفونــــــــــــه
عليه شرد الحمام بكل عصريـــــــــــة
فالبيت غنى يقول الجود بالحونـــــــــــــه
على جداره يجر الصوت قمريــــــــــــــة
تقول دحام أهل حايل يعرفونــــــــــــه
وتقول دحام ابه من حاتم الطيــــــــة
اللي ذبح مهرته للي يضيفونــــــــــــه
وتقول في بيته لقيه بالعزيزيــــــــــة
بأربع شوارع ضيوف الليل يلفونــــــــــــه
وتقول فيه الشحم في صدر صينيــــــــــة
دايم ضيوف الدجا بالليل يلقونــــــــــه
وتقول دحام عجراه السنافيـــــــــــة
كيف اللغا فوقها مكتوب يقرونــــــــــــــــه
له وقفة سميت بسم النويريــــــــــه
وشيوخ الأسلم له الماضي يقولونــــــــــه[/align]
وسلامتــــــــكم ,,,,,[/size]

رد : الشاعر الشيباني يمدح السبيعي
 

وهذه قصيدة أخرى لنفس الشاعر يمدح بها أيضا عسكربن دحام السبيعي :

ياللـي تقولــون مدري ويش تقولونــي
الطـيب تصعــب على الهين تكاليفــه
ياهـل الأقاويــل مني كان توحونــي
هذا زمــان برت حالي عواصيفــه
ملعون من ينطــق الزلات ملعونــي
والطيــب مايستوي بالنذل توليفــه
وياللــي تمرون ابن دحام ودونــي
يم المليحــي تسليني سواليفــه
الضيــف لاجاء منه يكون ممنونــي
والعــود الأزرق يشمنـه نفانيــفه
وأنا الذي قلـت ماعايــنت بعيونــي
ومن ينطـق الزور والزلات ياحيفــه
لاجيــت عسـكر يفيح الصدر بلحونــي
ماهــوب قوم يجي من يمهم خيفـــه
اللي مشبــه عليه الكيف مـركونـــي
ياطيب عسكر ويامحلا عجاريفه
الهيــل والبـن بالرسـلان مازونــي
والعـود الأزرق ذراعينـه مجاديفــه
أشــوف قدري لياجينــاه ويكونــي
عســى ديــاره عليها الغيــث ومريفـه
وحتيـش ياللـي على ماقلـت لامونــي
الوجــه الأبعيــض تشـرفني تواصيفـه
أنا علـى شـان عسـكر فـاح مكنونــي
بالطيــب يمشـي وللعلـيا مهاديفــه
زيـن النــبا للذي يمـه يمرونــي
الهـم عشـاهم يجيبنــه محاريفـــه
ياللـي تقولـون مـدري ويش تقولونـي
الطيـب تصعب على الهيـن تكاليفــه

وسلامتــــكم ,,,

رد : الشاعر الشيباني يمدح السبيعي
 

[size=4]مشكووووووور يستاهلون[/size] [size=7]مليح[/size]

رد : الشاعر الشيباني يمدح السبيعي
 

[size=4]شكرا على المرور يابو فراج[/size]

رد: الشاعر الشيباني يمدح السبيعي
 

[SIZE="5"]والله سبعة انعاااااااااااااااام باابو ناصر


رجل كريم عزالله صيته مكسوب بالعلم الغانم


مشكور يالغالي[/SIZE]

رد: الشاعر الشيباني يمدح السبيعي
 

بيض اللة وجهك وصح السانك