قصيدة لشاعر سبيع فلاح الحنان
 

هذه القصيدة الجزله للشاعر الكبير فلاح بن ضاوي الحنان وقد قالها في رمز من رموز

قبيلة سبيع ورجل اشتهر بكرمه واخلاقه ومواقفه المشرفه وقد منح في احد احتفالات

قبيلة بني ثور وسام الكرم وهو يستحق اكثر من ذلك والشخص الذي اتكلم عنه هو

الشيخ / حزمي بن سعود الغزيلي واترككم مع هذه الرائعه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يامنشي من الغربي خيال=تبرق مقاديمه خياله هميلي

ان تسقي الخرمه من الوبل همال=وترخيه لين ان كل وادي يسيلي

حيث انها للطيب والجود مدهال=دايم واهلها في المقام الفضيلي

يارب كثر خير ذربين الافعال =وانك تجمل كل صاحب جميلي

يابهجتي يوم سالوني عن الحال=سؤال مايقدر عليه البخيلي

لوطعت قومي جاني الجود منهال=كل ضرب صدره وجاء يعتزيلي

ماردهم غير تعياتي عن المال=والله لو أموت مافرش شليلي

أنا غني مدام في جيبي ريال =وبعض العلوم كبار ماتستويلي

رزقي بباب الغيب والحظ مكيال=ماني بمستعجل وربي كفيلي

ماني بلحاح ولاني بعيال =لوحاجة الدنيا عليه تعيلي

لوأعرف الحيلات ماني محتال=هذا هو الشي الذي مستحيلي

لاهذي ولا الالف واللام والذال=مادام ينقلني على الارض حيلي

عييت لكن فالرياجيل رجال=ماني يمه مير عارض سبيلي

ياحلو بعض معارضة شبل الاشبال=اللي مثل حزمي سعود الغزيلي

لوكان ماجيته يجي منه مرسال=جتني مراسيله قبل مايجيلي

ابوسعود اللي عسا ايامه طوال=دايم على الجزلات باعه طويلي

وهذي سوات مسند الجد والخال =مايحسب الدنيا كثير وقليلي

من لابة لاصك جال على جال=قهر العدا مروين حد الصقيلي

يحرص على الجزله ويفعل ليا قال=لله در أبن الكرام الاصيلي

حي الرفيق اللي موازينه ثقال=ياقف معي يوم أن حملي ثقيلي

لاشفت حزمي كني اشوف هذال=عزاي في هذال بعد الرحيلي

بعض العرب مثل الجنيه ابوخيال =غالي ولايقنعك فيه البديلي[/poem]



والمعذره ان كان في القصيده خطا

رد : قصيدة لشاعر سبيع فلاح الحنان
 

[overline]بيض الله وجه الحنان على ذكر المعروف

وابو سعود يستاهل ولاهيب غريبه منه [/overline]وشكراًلك علي النقل ياخيال المرادي

رد : قصيدة لشاعر سبيع فلاح الحنان
 

[align=center][size=4][color=#000000]بيض الله وجه الشاعر الكبير فلاح الحنان

وأبوسعود يستاهل وتشهد له فعوله بالكرم والعطاء الجزل

ونفتخر فيه وفي مواقفه التي هي من يتحدث عنه

ومشكور ياخيال المرادي[/color][/size][/align]

رد : قصيدة لشاعر سبيع فلاح الحنان
 

صح لسان شاعرنا الكبير فلاح الحنان


قصيدة جزلة من شاعر كبير


وابو سعود يستاهل ولاهي غريبه عليه العلوم الطيبه



خيال المرادي لا تخلينا من جديد ابو طلال

رد : قصيدة لشاعر سبيع فلاح الحنان
 

[size=5]صح لسان فلاح

وتسلم على النقل

ويستاهل المدح [/size]

رد : قصيدة لشاعر سبيع فلاح الحنان
 

بيض الله وجه فلاح الحنان ابوطلال شاااااااااااعر قبيله سبيع

وحزمي بن سعود الغزيلي الثوري يستاهل ابوسعود


وانت بيض الله وجهك اخي خيال على النقل وتسلم يمينك




تقبلوا خالص تحياتي
أخوكم

رد : قصيدة لشاعر سبيع فلاح الحنان
 

[size=6][align=center]خيال المرادي
بيض الله وجهك على هذة الرائعة لشاعرنا الكبير فلاح الحنان
وابو سعود يستاهل كل الخير
تقبل تحياتي[/align][/size]

رد : قصيدة لشاعر سبيع فلاح الحنان
 

اخواني لكم الشكر على ردودكم

وهذا حق الطيبين علينا

رد : قصيدة لشاعر سبيع فلاح الحنان
 

[quote]خيال المرادي
بيض الله وجهك على هذة الرائعة لشاعرنا الكبير فلاح الحنان
وابو سعود يستاهل كل الخير
تقبل تحياتي[/quote]





.....