عـــز الرياض قصيدتي الفائزه في مسابقة السامر
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عز الرياض وعـز وادي حنيفـه =وعز الاماره والامـور العظايـم

عدل الحكم سلمـان بالعـز ريفـه =خمسيـن عـامٍ كلبوهـا غنـايـم

تبصر بعدلـه عيـن حـيٍ كفيفـه =المجد له والطيـب والعـز دايـم

ابيض وجه سلمان وابيض صحيفه =ميزان حـقٍ ماتجـي بـه ظلايـم

ابو فهـد سلمـان مابـه وصيفـه =ولاله شبيـه بـلا بسيـن العمايـم

للجـود يمنـاه الكريمـه حليفـه =مـده جزيـل ولايمـد الهـلايـم

راع المواقف والحمـول الكليفـه =سّوه على راع الفتـن والجرايـم

على العدو سطـوة يمينـه عنيفـه =واما على المحتاج مثـل النسايـم

القلـب طيـب والنوايـا نظيـفـه =وبالحق صاطي ماخشى لوم لايـم

دارٍ بهـا سلمـان دايـم مريـفـه =ماتشتكـي جورالزمـن والهزايـم

من دونها حد السيـوف الرهيفـه =اليوم وايضـا مـن سنيـنٍ قدايـم

شوف الرياض شلون صارت منيفه =حازت على كل النسب والعلايـم

من حبها صـارت لقلبـه وليفـه =يسهر لهـا سلمـان والكـل نايـم

قصة وفاء قصـة محبـه عفيفـه =هو هايمٍ فيهـا وهـي بـه مهايـم

خمسين عامٍ عايشـه فـي كنيفـه =ترفل بخير وعـز والحـظ قايـم [/poem]

رد : عـــز الرياض قصيدتي الفائزه في مسابقة السامر
 

صح لسانك يابن صنيدح



على هالقصيده الجزله والرائعه



وتستاهل القصيده الفوز ويستاهل صاحبها

رد : عـــز الرياض قصيدتي الفائزه في مسابقة السامر
 

صح لسانك يا هاجد بن صنيدح وكفو والله وعالبركة الفوز وتستاهل احسن من المركز الثامن

رد : عـــز الرياض قصيدتي الفائزه في مسابقة السامر
 

[align=center][size=4][color=#000000]هاجد صنيدح

صح لساااانك مليون يابطل

أبدعت الحقيقه وقصيده تستحق الفوز والجائزه

لله درك وننتظر المزيد من إبداعاتك

دمت بمحبه[/color][/size][/align]

رد : عـــز الرياض قصيدتي الفائزه في مسابقة السامر
 

رائعه بماتحمل هذه الكلمه من معنى بارك الله فيك


ومبروك على الفوز