قصيده في الشيخ ناصر بن مطر أبو ثنين عندما اشترى الذود
 

السلام عليكم ورحمة الله وبركاته
هذه أول مشاركه لي في منتداكم يابني عمي قلت خلني ابحث لكم قصيدتن على ماقال انشا الله انها تحوز على رضاكم
وهي قصيده في الشيخ : ناصر بن محمد بن مطر أبو ثنين والمناسبه عندما اشترى الذود قبل بضعة اشهر في بداية القصيده يبارك الشاعر له بالذود ومن ثم يصف الصفات اللتي تحلى بها ناصر وهو يستاهلها وهي
للشاعر: عبدالله بن رحيم ابن مرقاع المحيميدي السهلي
والقصيده هي :



مبــــروك يــا نـاصر على شــريـة الـــذود.............تستــاهـلـه يابــن الشيـــوخ السـلاطيــن

تستــــاهله ياللـــي على الخــير محمــود.............وان جـــا نهـــار الشـــر سقـــم المعـادين

شيخـــن ولـــد شيـــخن له الطيب مشهود.............وان كــــبرة القـــولات مــا حسّـب الديــن

إلى عطـى يعطــي عطــا مالــه احـــدود.............وإذا فـــزع يفــزع علــى العســر والليــن

عــز الرفـيق اللــي مـن الوقــت مضــهود............. وعـز الدخيـل اللي.... شاف الذل والشين

والعــود هــو العـود لا قــيـل لــه العـــود.............. محـمــد ابـــن مطـــر شيـــخ الجـمـاليــن

ورّث علــى دربـه مغـاويـــر وفــهــــــود.............. واللي مشا ابوهم علــى الطيــب ماشين

وان جــا نهــارن فيــه حــاوي ومــردود............... شجـعــان لا ركبــوا على الخيـل صلفيـن

هـذا الشيــــوخ اللــي لـهم مجد وجــدود.............. احــرار امـن احـــرار.... ناســن مسـميــن

شيـــوخ غلبــا مطــوعــة راعـي الـــزود............. اللــي لهــم تــاريــخ ... تشـهد له اسنـين

ويشــهــد لهـم نجـــدن وايــامــه الســود............ ويشهـــد لهـم فيصـل..... صعوط المجانين

والمـــرجــلـه سنــده بـهــا الحبل ممـدود.............. وانتم خذيتـوا الطـيـب غصبـن يابو اثنين

وســـــــــــــــــلامتكم،،،،،

وانشا الله نوعدكم بمشاركات قادمه وعلى خير .