منتديات سبيع الغلباء - رد عجران بن شرفي على راكان بن حثلين

[B][size=4]قال راكان بن حثلين عندما استهداه الإمام عبد الله الفيصل فرسه الحمراء
والقصيدة أطول من ذلك:[/size][/B]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسابقي طالبك ولد الامامِ = لاسامع قوله ولاني بمهديك
لو سام بمية بكرةٍ بالتمام = حلفت انا بالبيع ما اهفي مثانيك
ان زانت الدنيا وهب الولام = تاتي معي حمر الطرابيش تتليك
واقوم لك بالبِّر عجل شمام = باكر على خيل الفداوية اصغيك[/poem]

[B][size=4]فرد عليه شاعر سبيع عجران بن شرفي:[/size][/B]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت بسم الله خيار الاسامي = عساه يانفسي على الخير يهديك
عليّ من علم لفانى ملام = ياضيقته بالصدر مانيب كاميك
القاف جاله في حشاي ازدحام = ابدعك يازينات الامثال وابنيك
يوم ان راكان يرد العلام = مسصعب ما طوعنه هذوليك
من ضد ابو تركي طواه الهيام = اجرب نحط له المساحي محاكيك
ان كان يطري السابق اللي شمام = ارجي ان كذبه ياجواده يدربيك
الله يالحمرا يجيب الوسام = حتى براي الله سريعٍ نقاضيك
لابد من يومٍ يثور الكتام = في ساعةٍ فيها تثور المشاويك[/poem]

[B][size=4]إلى قوله[/size][/B]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العام حدَّر في ليال الصيامِ = واودع هل النقرة دكوكْ ودواكي
صبح هل الوفرا واخذهم شمام = بليلٍ وخلّينا غنمهم مشاكيك
والصبح ابن حجرف ونجعه اقسامِ = غشاهم العجّ الحمر له دواميك
واليوم الآخر فيه جردة حزام = بين العدام وبين وارد مكاويك
ورابع نهارٍ جا عليكم غمام = وجموعنا وجموع يامٍ محابيك
جوهم هل العوجا كما النو زامي = ربعٍ لهم مخ الفرنجي مساليك
لباسةٍ للجوخ لاجا الزحام = بارواحهم لاجا الملاقى مماليك
ذا فعلنا بمخالفين الاسلام = يا الضبعة العرجا تعالي نوريك[/poem]

[B][size=4]إلى قوله:[/size][/B]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
متى لبو تركي تهب الولام = حتى يحط معادي الدين درميك
الله يرمي من غدر بالوهام = الباير اللي حط بالدين تشكيك
ابوه قبله قد رمته المرامي = رماه رمّاي الوحش بالشبابيك[/poem]