منتديات سبيع الغلباء - لاوالله البارح تعب فكري وداخ

منتديات سبيع الغلباء (https://www.sobe3.com/vb/index.php)

- - لاوالله البارح تعب فكري وداخ (https://www.sobe3.com/vb/showthread.php?t=1818)

لاوالله البارح تعب فكري وداخ

اعزائي في هذا المنتدى الانيق
اهدي اليكم هذه الابيات وآمل ان تروق لكم ويارب يكون التنسيق تحسن
مع كل الود

[poet font="Simplified Arabic,4,white,normal,normal" bkcolor="indigo" bkimage="" border="double,4,deeppink" type=0 line=200% align=center use=ex length=0 char="" num="0,black" filter=""]
لاوالله البارح تعب فكري وداخ = غديت مثل اللي على الوجه مطخوخ
من عقب ماهو صافي(ن) جوّنا باخ = واصبح جدار الود بالوسط مشروخ
يازين لاتسمع هل الطيخ والطاخ = الكل منهم كنه الطبل منفوخ
ماانتب من اللي لاقشر الخلق منفاخ = انا اعرف انك كامل العقل مطنوخ
وانا ترى ماهمني كذب وصراخ = بعض العرب من نعمة العقل ممسوخ
لو حط في دربي مسامير واصياخ = عقلي دليلي واعرف الوضع مطبوخ
لامن سمعت لبوق الانذال نفّاخ = رفعت راسي للسما فوق بشموخ
والا الهوا سحره كما بنج بخاخ = خضع له اهل الطاس والدرع والجوخ
ياعود ريحان(ن) له الجم ضخّاخ = في وسط بستان(ن) به التين والخوخ
لامن مشى مع كاملات الحلا شاخ = راع الهوا من نظرة عيونه يدوخ
عوده ليان وباحسن اللبس جخّاخ = كنه من الريحان والورد مبخوخ
وكلامه احلا من حلا كل شمراخ = طلع الغروس اللي ورى حد صلبوخ
ان عز نفسه عن حكي كل طرّاخ = فانا معه لو عشت واياه في كوخ
وان طاع فيّه هرج كاذب وجلاّخ = ترى العهد مابين الاثنين مفصوخ
مانيب لعروق الصفا الصم طبّاخ = بسد جحر(ن) فيه للهايش فروخ

[/poet]

رد : لاوالله البارح تعب فكري وداخ

[SIZE=4]الله ياواصل صح لسانك
وبيض الله وجهك[/SIZE]

[poet font="Simplified Arabic,6,white,normal,normal" bkcolor="transparent" bkimage="backgrounds/18.gif" border="none,4,gray" type=2 line=200% align=center use=ex length=0 char="" num="0,black" filter=""]
لامن مشى مع كاملات الحـلا شـاخ= راع الهوا من نظـرة عيونـه يـدوخ
عوده ليان وباحسـن اللبـس جخّـاخ= كنه من الريحـان والـورد مبخـوخ
وكلامه احلا من حلا كـل شمـراخ = طلع الغروس اللي ورى حد صلبوخ
[/poet]

[SIZE=4]تقبل خالص تحياتي

اخوك:ذيـــــــــــبــــــــــــــان[/SIZE]

رد : لاوالله البارح تعب فكري وداخ

يسلم فمك وقلبك ياواصل

قافيه صعبه وطوعتها تطويع

هو منهو اللي يقول

عبدأ مصلوخ يطرد جلدأ منفوخ

لايكون انت ياواصل

هههههههههههه

دوك تحيات فيصل مثل مطر الوسم

رد : لاوالله البارح تعب فكري وداخ

الاخ واصل

بيض الله وجهك على هالقصيده الرائعه كما روعتك وصح لسانك ملايييين ونتمنى منك المزيد والمزيد فانت مبدع ونحن نعشق الابداع .

اخوك البدر

رد : لاوالله البارح تعب فكري وداخ

صح الله لسااانك ملياار ولايكفوون هذي الدره

واصل واصل واصل

تقبل تحيااتي