منتديات سبيع الغلباء - الطـيب مـرقى ما يبيـلـه محـاويـل () اصعد على عليا المراجل وجبها

منتديات سبيع الغلباء (https://www.sobe3.com/vb/index.php)

- منتــــدى القصائـــــد المنقولــه (https://www.sobe3.com/vb/forumdisplay.php?f=53)

الطـيب مـرقى ما يبيـلـه محـاويـل () اصعد على عليا المراجل وجبها

هذي قصيدة للشاعر محمد بن عايض البحيح ينصح فيها ولده عايض ويحثه فيها على المرجله والصلاه وقد اعجبتني وحبيت اني انقلها لكم عسى ان تحوز على رضاكم واعجابكم .

قــم يـا ولد نـفـذ وهــات المـعامـيل = والنار لجل الظيف زود حطبها

واخرف لضيفك من كبار الشماليل = واذبـح سـمينن ماتقـلــقـل ذنبها

الـمرجـله يا بـوك تـبغي رياجـيـل = تـبـغي ريـاجـيـل تحـاقر تعـبها

مـاتـبـغي الي يـمهـا واهـن الحـيـل = والي ليـا سوى الجميله حسـبها

الطـيب مـرقى ما يبيـلـه محـاويـل = اصعد على عليا المراجل وجبها

يا عايض الـدنـيا ظـلال الـمقايـيـل = مـحـد بـقى فيـهـا لـونـه كسـبهـا

خـلك جـمل تـنقل علي متنك الشيل = ولا تشتكي لوكان طول نصبها

ولا تستشير الا الرجـال الـدوالـيـل = ولا تمشي الا وسط خيرة عربها

ولا تستمع في هرجـة القـال والقيل = ولا جـتـك زلـه لا تـدور سـببها

والفرض صـله والحـقـه سـنة الليل = الرابـح الي شـف نـفسـه غـلبـها

اخوكم البدر

رد : الطـيب مـرقى ما يبيـلـه محـاويـل ** اصعد على عليا المراجل وجبها

بيض الله وجهك يالبدر وعزالله انك اخترت وبيض الله وجه قايلها واصلح الله له عايض وننتظر المزيد