منتديات سبيع الغلباء

هذه القصيدة موجهه للشاعر مرير الحبيل المعروف على ألأجهزة بـ (نجد)
سوّيت قاف ونجد بالقاف مخصوص = واعطيت به دربٍ كلا الوقت نصه
دربٍ بوقتٍ ذا على ذاك مرخوص = ونهبه حلال ويكسب المدح لصه
يوم المراجل بالحيافة وبالغوص = وزهابهم من يابس التمر جصه
ذا جاء يحوف حيافته تقل مقروص = من ذلةٍ لا يلحقه من يقصه
وراعى البحر بالثقل والحبل مشصوص = وغاص بمخاطر غبته لجل حصه
منهاج ذاك الوقت لـه شرح ونصوص = وحبيت اجدد مفرداته ونصه
ياهيه ياركّابة الكنس العوص = اللي لكم دعوى كبيره وقصه
مااعصيكم بالخيزرانات والخوص = كلٍ عصاه سلاحه اللي يخصه
معكم قرب وروي وخروج وقلوص = وفضت ولاحقكم من الوقت خصه
ومريتوا الفكسار فالونش مقلوص = انفكت الركبة وحول مقصه
وعلى السفاري واقفٍ لـه ببرعوص = تقول وقفة مطربٍ في منصه
توايره تفتر فالرمل وتلوص = ولف الدبل والجور عكسه وقصه
ورحتو على عوص النضاء كنكم محوص = وقعد عسى القوم اللضية تحصه
مروا مجارينٍ من العور والشوص = وخذوا كتابي واوصلوه اخو حصه
تلقون كيفٍ مابهاره بمنقوص = وحيلٍ شحمها رصةٍ فوق رصه
ماهوب لا شاف المسايير بيحوص = ياللي تدور لك معزب تـنصه
والناس فالدنيا مداوير وقنوص = ياللي محاريف القوافي تـنصه
العام للخاتم فواريز وفصوص = وطاحت فواريزه وفصه وفصه
ومضت شهور وجسر برلين مقصوص = ودم الجمل قردان بقعاء تمصه
يامرير لي نية وهقوات وخروص = اخذ الوصية من رفيقك ووصه
أن كان مافالدار واشين والصوص = واصل ولا عيّنت عودٍ تعصه