حــيـــاة الــسعــادة
 

[FONT=Arial][SIZE=4][COLOR=darkblue]الــشـاعــر مســلــم النـــاقـــول مـن الصـمـله مـن سـبـيـع يـؤكـد بـأن الإبـل تـمنـح صـاحـبـهـا الـشـهـره ويـرى أن لـيـلـه واحـده سـعيـده يـجتـمـع فـيـهـا أبـنـاء الـعـمـومـه الـطـيـبـيـن عـنـد الإبـل مـع شـبـت الـنـار والـخـروف مـعـلـق تـعـادل الـعـمـر كـلـه , لـذلـك فـإنـه يـرفـض فـكـرة بـيـع إبـلـه مـهـمـا إرتـفـعـت الأسـعـار حـيـث قـال:[/COLOR][/SIZE][/FONT]


[poet font="Arial,4,black,normal,normal" bkcolor="transparent" bkimage="backgrounds/2.gif" border="solid,4,sienna" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4) shadow(color=gray,direction=135)"]
أنا ماشريت الذود بنافس التجار = شريته لأجل تبقى مع الناس سمعتنا
شريته لأجل يبقى لنا إسمٍ عليه إشعار = سوى إن كان حيين ولوكان قد متنا
أبي إسمي مع أهل النوق يشهر مع المرار = وتعرف مع البدوان دايم وسيمتنا
بشعلٍ عليهن العمد جلهن وصغار = ليا شفتهن بالروض تمت سعادتنا
ليا شفتها فى خايعٍ تقطف الأزهار = تزول الهموم وتكتمل كل فرحتنا
حياة السعادة خطو ليلة نشب النار=وتلافوا علينا بعض طيب جماعتنا
وذبحنا الخروف ولا نشدنا عن المخسار=ولو إنا خسرنا فايدتنا وناستنا
مع البدو سجاتٍ تسلي عن الأفكار=وندله عن الدنيا ولا عاد همتنا
على شان صفراً تنتل البوش في المشوار=تحدي المباري ولو نطوٌل بشدتنا
تحدي المباري ولو بنطوٌل المضمار=قهرنا لها المقهور لكن شالتنا
سطرها موالدها سطورٍ وهي حوار=أبوها فحلنا وأمها بعد ناقتنا
نجاكر بها العيٌال يوم المزاعم ثار=وتكسر زعامة كل ناسٍ تحدتنا
كبيرة سنام ودايم زاهين مشكار= ومن شافها بالعين يقول من شاقتنا
تشادي بوسط البوش للقايد المغوار=وعلى المرتع اللى تقبله غصب ساقتنا
لو إن الشريطي سام ويكثر الدينار=ترى دونها يا علي بنسد حاجتنا
ولو إن السفيه يقول مانسمع الأشوار=ليا بعتها وش عاد تسوى بداوتنا
وتم الكلام بذكر من يعلم الأسرار=عليم الخفايا عالمٍ في خفيتنا
[/poet]

صح لسانك يالراوي وصح لسان الشاعر مسلم الناقول والله لا يهينك على المشاركه الطيبه


تحياتي لك



اخوك البدر

حيـاة السـعـادة خـطـو ليـلـة نـشـب الـنـار = وتـلافـوا عليـنـا بـعـض طـيــب جماعـتـنـا

قصيدة جزله صدرت من الأعماق

صح لسان قايلها ويسلم لنا ناقلها

صح بدنك اخوي البــدر..
ولا يهينك اخوي البـدر..

بيض الله وجهك اخوي ابو عمر..
صح بدنك..

بشـعـلٍ عليـهـن العـمـد جـلـهـن وصـغــار### لـيـا شفتـهـن بـالــروض تـمــت سعـادتـنـا

والله صادق هذي سعادتنا

وصح لسانك اخوي الراوي وصح لسان مسلم الناقول

ويعطيك العافيه

حيـيت

صح بدنك اخوي بن شطيط..
بيض الله وجهك على مرورك الكريم للقصيده..
وانتظر المزيد..

الراوي

تسلم والله يمينك يا الراوي والله يبيض وجهك

وصح لسان مسلم الناقول على هالقصيده الرائعه

وتقبل تحيات اخوك بن جراح

مشكور اخوى

ابن جـــــــراح

على مرورك الكريم وواعدكم بالمزيد انشالله