منتديات سبيع الغلباء - غرام الأجنبي

[poem=font="Arabic Transparent,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحزن ظالم والليالي مظلمة = بين الضلوع العوج يمشي ويحبي
عن لا يمثني ثومة الصدر قدمه = أنا دخيل الله وفي وجه النبي
لاصار يصحبني قرين وملهمة = وأعشق عيون الطير وهيام الظبي
بأمشي وأنا مغرم ونفسي مرغمة = ما قل مجهودي ولا بان تعبي
من علّم المشتاق ما لا يعلمه = ما علّمه عند إحتياجه وش يبي
ياصاحبي تل الصباح بمقدمه = والصيت والتاريخ والمجد الأبي
ما يجرح القلب العزيز ويظلمه = الا غرام الاجنبي للأجنبي
يا حشمةٍ ماشفتها في مسلمة = وياغيرةٍ ماهيب في دم عربي
تمعّن وقدر شعوري وافهمه = لا تسهج فوادي وتسباني سبي
من فتنة البسمة وسحر السلهمة = يادوب شالتني من القاع ركبي
واللي حباه الله نعومه وأكرمه = يجي يبي حاجة وكنه مايبي
قدام ينطق حرف واحد من فمه = سلّمت كفه لحيتي قبل شنبي
حتى عرفت إن الدلع (طبع)و(سمه) = يضحك بها واحد ذكي على غبي
عيني شفاويّه وكبدي مضرمه = عليك يا حلم الحياة ومطلبي
يفداك من تاطا على الأرض قدمه = حبيبي أنت وعالمي وامي وابي[/poem]

[B][size=4][color=#000000][align=center]الشاعر مطلق بن شوية[/align][/color][/size][/B]