منتديات سبيع الغلباء - النفس وعزتها // سعود بن حادي

[size=4][align=center]السلام عليكم ورحمة الله وبركاته

قصيدة للشاعر سعود بن حادي [/size]

[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=0 line=1 align=center use=ex num="0,black"]
من باب عز النفس وأنس الماضي = طويت صفحات الزمان المره
ولميت من دنيا الغرام أغراضي = وقررت أسافر وأنتحي بالمره
هاذي سنتين أقفت وحالي قاضي= وأونس على كبدي لهيب وحره
براق خلي يوم شع وناضي = صرت أتبعه من حرتن في حره
ضميت زمولي وأجدبن حياضي = وأنا على دربه وأقص الجره
ملهاب قيض وشاعر ٍ مغتاضي = والصوت من شين البلاوي جره
ما أحدن على ما صاب حالي راضي = وخلي بصده ضر حالي ضره
عيونه الجاني وقلبه قاضي = وقلبي صويب ٍ ما سلم من شره
حشاي لجيوش الغلا مركاضي = لها على قلب المعنَّا كره
ودمع العيون من الجفا فيَّاضي = والجرح دكتور الهوا ما سره
كنت أنتقي لرضاه جزل ألفاضي = والنفس بأحلام اللقا مغتره
وأمسيت لحروب الجفا خواضي = وين أنت يا مرسى الآمان وبره
لا مهمّشن صده ولا متغاضي = قتلت حبه وأبردي يا حره
وعساي باللي ما يصد أعتاضي = خل ٍ وفي يبقى لعيني قره[/poem]

منقول[/align]