استلموا هالقصيده
 

السلام عليكم ورحمة الله اليكم هذه القصيده وهي للشاعر / الخياط
وهو من عبيد امير عنيزه قبل ما يقارب ال 100 عام / زامل بن سليم
وهو بالرغم من انه عبد الا ان شاعريته لا يشق لها غبار وتحكمون انتم عليه من خلال هذه القصيده
مع العلم انني لم استطع الحصول عليها كامله لكن هذا ما وجدته منها بالحرف الواحد وان كان احد
الشباب عنده فكره عنها ارجو ان يفيدنا بما ينقصها من قصه او بقيه للابيات شاكرا ومقدرا تعاونكم معي
واليكم القصيده

يا عـين يا اللي حـــاربت لــلـنـوم ........ من يوم حل القـــطع بـــالوديـــان
يا كــيـف نرخص غاليات السـوم ........ حدب الجـــرايد مشبع الجوعـــان
يا ذيب يا الـلي في نـبـا المزمـوم ........ اسهرتني بعـــواك يا ســـرحــــان
ان كان تشكي الجوع دوك لحوم ........ تلقى العشا شيخ وبنت حــصــــان
تلقى الجنايــز بالــفـلات ركــــوم ........ منا ومنــهم يا اجــرد الـــذرعـــان
عــاداتـنـا ذبـــح الــمـجــوخ دوم ........ والخيل صرعى في قفى الميـــدان

الى ان قال :

جـتـني تخــطى ما علــيها لـــوم ........ تلبس ثــيـاب الــعــز و القــبــــلان
تمشي وتمسح دمعـهـا بـكـمـوم ........ من فـــــوق خـد كــنــه الــرمــــان
ذهلت غطاها يوم جاها عــلـوم ........ اخــوانــهــا مــن جـمـلـة الجيـران
يا دارنا مــــالك علــيــنــا لـــوم ........ لا تعتبـي لـومــك على مــن خـــان
خذنا عن السلم القديم ســـلــوم ........ وكــل قــضـى دينـه مــن الـــديــان

ولكم خالص تحياتي وشكرا

الله لايهينك يابن جراح وبيض الله وجهك على نقل القصيده الجزله ونتمنى يكون فيه احد يعرف تكملة القصيده


اكرر شكري لك على مشاركتك


اخوك البدر

البدر

تسلم يا الغالي على المرور

وعسى الله يجيب اللي يعرفها

اشكرك مره ثانيه يا البدر على المرور

اخوك بن جراح

بيض الله وجهك يابن جراح وسلمت يديك على القصيده الرااااااائعه
لك مني جزيل الشكر/الهريظمي

الهريظمي

مرورك على مشاركه من مشاركاتي

تاج على راسي يا الغالي

بيض الله وجهك ولاهنت على المرور

بدون مجامله اعتز بردودك وهي الدافع للواحد انه يسير للامام

تقبل تحياتي القلبيه يا بعدي

اخوك بن جراح

تسلم يابن جراح

والله يسكن قائلها الجنه إنشاء الله

راعيها

مرورك اسعدني ومن قال سالم

والله يرحم قايلها وموتى المسلمين اجمعين

لك خالص التحايا يا راعيها من اخوك بن جراح

احسنت الاختيااار ياااماال العااافيه

تسلم يمينك ياااااااا ابن جـــــــراااااااااح


تحيااااااااااااااتي

صح لسان الشاعر

وتسلم ايد الناقل

وتسلم ايد اللى رد :rolleyes: على المشاركه

سمارت عسى الله يسلمك من كل شر

مرورك شرف كبير لي الله يبيض وجهك يا سمارت

مو صاحي

صح بدنك وسلمك الله يا الغالي الصاحي

وتسلم يمين كل من رد على الموضوع من الشباب

والا انت









اولهم:cool:;)

تقبلوا تحياتي ولكم جزيل شكري اخوكم بن جراح