قصيدة فخر واعتزاز في قبيلة سبيع الغلباء
 

هذه قصيده فخر واعتزاز في قبائل سبيع الغلباء
للشاعر/ سعد بن سعيد بن نوار الملحي السبيعي مفتخرآ في قبيلته العزيزه والقبيله تستاهل من شعرائها المدح









يامدور المعنا ترانا عرفنا *** واضح ونوره مثل نور القوايل

انا هل الردات لامن وقفنا *** دقلاتنا تشفي الكبود الغلايل

اليا وقفنا قدمهم ما انصرفنا *** حتى نلبسهم لباس الدبايل

ناخذ على قب الاصايل شففنا *** بمخير صوته سوات المخايل

ياما سعينا في المغازي وطفنا *** غاراتنا فيها تشاف الهوايل

واليا اعتزا خيالنا وارتجفنا *** مثل الرعود الي تصب الهمايل

وان صاح صياح المغيره وزفنا *** مانلتفت للجمع لو كان ضايل

ياما كسرناهم وياما عسفنا *** من عاصين مايلتفت للهزايل

واليا تسوا غيضنا مع صلفنا *** نروي السيوف مذهبات الصقايل

حنا هل الغلبا جموعن وحفنا *** خلا الشجيع يروح قلبه ذهايل

وياما على جمع المعادي زحفنا *** ولا نرجع الا بأمهات الشمايل

وحنا هل البيرق ويامن طرفنا *** ارجال ابو تركي جيوش دهايل

في شور اخو نوره لبسنا شرفنا *** انفضل الموت المحقق فضايل

ذاك الزعيم الي لنصره نصفنا *** وبان الرفيق وبان شين الدلايل

الي على جيش المعادي نحفنا *** لين اسلمو من عقب حد السلايل

اليا رمينا الرمي نكسر هدفنا *** وتشهد على ماأقول كل القبايل

في ساعه فيها تقدم سلفنا *** تنشف بها الارياق والدم سايل

تبعد مغازينا ويبطي نكفنا *** تشهد لنا قحص المهار الاصايل

واليا عطينا عهدنا ما اختلفنا *** يومن بعض الناس فيهم فشايل

وجيرانا ماتشتكي من عجفنا *** وللضيف نطرح له قعود وحايل

ياما حذفنا في الدهر وانحذفنا *** وياكم فعلنا في الخوي من جمايل

وياكم عقيد(ن) خافنا لاعرفنا *** وقفا على جرحه يجر الولايل

وكل الخليق تروح والعمر يفنا *** وتاريخنا يبقا وتبقا الفعايل

حزنا على كل الفعايل ونفنا *** ولانلتفت في هرج عدل(ن) ومايل

وفي هرجنا ياسامعه مازهفنا *** والي مكذبني يشوف الدلايل

شوف مجدنا وافعال ربعي وشفنا *** وتعلمك الايام عن كل قايل

وبفعل طلقين الوجيه اعترفنا *** مافيه دم الا يجيله فصايل


الشاعر/ سعد بن سعيد بن نوار الملحي السبيعي

رد: قصيده فخر واعتزاز في قبائل سبيع
 

مشكور على النقل

رد: قصيده فخر واعتزاز في قبائل سبيع
 

[align=center][font=Comic Sans MS][size=7]صح لسسسسسسسسان شاعرها

وتسلم يمناك ولاعدمناك

لاهنت[/size][/font][/align]

رد: قصيده فخر واعتزاز في قبائل سبيع
 

[CENTER][SIZE="6"]مشكور وما قصرت ولا هنت[/SIZE][/CENTER]

رد: قصيده فخر واعتزاز في قبائل سبيع
 

مشكور على هذا النقل الرائع فعلاً والله لايهينك

رد: قصيدة فخر واعتزاز في قبيلة سبيع الغلباء
 

[size=6][align=center]صح لسان الشاعر الكبير / سعد بن سعيد بن نوار الملحي السبيعي وسلمت على النقل[/align][/size]

رد: قصيدة فخر واعتزاز في قبيلة سبيع الغلباء
 

اشكركم جميعآ وسبيع تستاهل وسعد يفعل