منتديات سبيع الغلباء - الفرق بين الجيل السابق والجيل الحالي

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
السلام عليكم جميعا اليكم هذا النص مع اني لست امتشائم مما ذكرت فيه ولاكن الاكثريه شاهدوا ما شاهدت
واردت التعبير عما شاهدت كالتالي
ما هويت ديار ناشية الحضاره = بدوي عشقي وهو ساس الهويه
افهم المعنى على عجل الاشاره = والمراجل مكسبي والنار حيه
في زمان شيخ رجال التجاره = لو مكاسبهم من التحريم نيه
الخداع بسلمهم يعني شطاره = والشطاره عندهم خطوه ذكيه
شيخهم يفرض على السوق احتكاره = الجشع طبعه ورجلينه حفيه
ما ينام الليل ما يهنا بداره = هاجسه مشقيه والنيه دنيه
في زمان قلوا رجال النعاره = في زمان يشقي النفس الرضيه
في زمان يهفي رجال الصداره = في زمان الروس صارت به سويه
في زمان يرفع الناقص شعاره = في زمان البهرجه والعنجهيه
في زمان يكوي العالم بناره = في زمان همل الطرقي خويه
في زمان اهل الردى واهل الحقاره = في زمان اللي محامدهم هفيه
في زمان اهل الفتن تقدح شراره = بالجهر قدام خلق الله عنيه
في زمان سيادته بايدي بكاره = بكرته صارت على دلفه سطيه
في زمان يسلب العارف وقاره = في زمان كلمة العاقل وطيه
في زمان يفقد المعنى اطاره = في زمان يجحد الرجال خيه
في زمان لابشير ولا بشاره = في زمان اهل العلوم المهمهيه
في زمان اهل النفاق اللي ستاره = قول حق ومقتضاه اسوا دعيه
في الزمان اللي تمادى بانحداره = الله يهيي لنا ختمه هنيه
في زمان ينتج عيال الخساره = ما كسبوا لربوعهم كود الرديه
غرس الاول ما جنى طيب ثماره = في زمان ذيل بازمان البريه
الفتى منهم ليا عدا مناره = لكلك لسانه وخطواته بطيه
ساهر ليله ونايم في نهاره = عند عذبات اللمى صاير هريه
يسفهل ليا اجتمع بعيال حاره = ما حسدته صاحب الطله البهيه
بشرته فيها من اللمعه نضاره = ياخذ من اخته طبيعه نرجسيه
وان نصحته ما يعدل من مساره = زاد في غيه عساه يشين غيه
مشيته فيها تبجح مع بطاره = ماخذ مقلب بنفسه واهنيه
في الملاعب بين انواع المهاره = اطرب الجمهور واهدوا له هديه
اعجبه في ملبسه جذب الاثاره = ملبسه وردي عسى داره نحيه
كشخته يختارها له مستشاره = عل شكله ينقطع يا اهل الحميه
جبت وصف فيه مضمون العباره = من عنى فكري وخطنه يديه
مع اجمل تحياتي وسلامة الجميع [/poem]