منتديات سبيع الغلباء - غصن الغلا لـ إبن الذيب بالنص والصوت

هذه الشيلة من كلمات : محمد بن الذيب
:
وقام بأدائها المبدع: محمد السليس

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

على خط جسر بقيق مريت جسـر بقيـق=وأنا غترتي من فوق راسـي ورابطهـا
دوي الرعد في أذني دوي طايرات الميق=أبـي ديـرةٍ مانـي بجاهـل خرايطهـا
على شان من يحلم بزولي قبل ما يفيـق=وإذا فاق ذاكرته علـى الحلـم سلطهـا
معاه العذارى لو تهايـط مسـا وشريـق=علي من غلاه إن قـد يوقّـف مهايطهـا
عليه الوصوف النـادرة راكبـة وتليـق=تحوطـه مـن زود الميانـة وحوطهـا
كساير ذهبه اللي لها في النحـر تبريـق=تغبطه على منحـره والنحـر غابطهـا
يا غصن الغـلا يالله بالخيـر والتوفيـق=تبا تغنـم الفرصـة معـاي أو تفرطهـا
جدايله ما تدري وش المشط يابن زريـق=تعرض على شهب الهبـوب وتمشطهـا
أبسمعـك بيتيـن مـا هـي بللتلفـيـق=وبيتيـن تصلـح لـك وبيتيـن سافطهـا
وبيتيـن يلحقهـا مـن المنتقـد تحقيـق=وبيتـيـن ماتعجـبـك ولا تعابـطـهـا
ألذ الوصال مواصلك وأحلى مـا ذيـق=عسل نحلتـه شفتـك والثغـر مسقطهـا
غرامك غصن جمره يفوح عليـه بريـق=ترفق على كبدي ترى البعـد شاحطهـا
تخبر الدموع اللي سرت من عيونك ضيق=لقاهـا هـدب عينـي حزينـة وقلطهـا
وقامت تجمع من على محجري وتويـق=وإذا حولـت مـا عـاد يمديـه يلقطهـا
لكن ماعليها خوف خلق الدمـوع تريـق=خدودي لدمـعٍ مـن سبايبـك باسطهـا
صغاير الأمور أشلها والكتـوف تطيـق=وعظايـم الأمـور تهزنـي وأتباسطهـا
وأنا ما علي من شلة الضحك والتعليـق=أعرف الخيول النـادرة مـن مرابطهـا
وأدوّر على الجزلة ولو إنها براس طويق=وضعاف النفوس الله من الأرض يسخطها
أبي شوفتك من دون موعـد ولاتنسيـق=لو إنك ما بين أقوى الرياجيل وأنشطهـا
عذاب الممات مـن التوجّـاد والتفريـق=ولذيذه ما بين أطراف كبـدك وواسطهـا
لو أحملك ذنبي خطا يـا لذيـذ الريـق=(أنا قبل أعرفك رايحٍ فـي خرايطهـا)!!
[/poem]
:

[rams]http://www.sobe3.com/temp/bgig.mp3[/rams]

[URL]http://www.sobe3.com/temp/bgig.mp3[/URL]