منتديات سبيع الغلباء - لقاء مع الشاعر// منير السبيعي

[align=center]بسم الله الرحمن الرحيم

اعزائي واخواني مشرفين واعضاء منتدى سبيع

السلام عليكم ورحمة الله وبركاته :

[color=#000099]نرحب معاً بالشاعر والاخ[/color] (( [color=#CC0000]منير بن مسفر بن شرفي السبيعي[/color] ))

[color=#000099]في هذا اللقاء القصير الذي لا يعبر عن مالديه من جزيل الشعر

والابداع في بحور النبط الذي خاضه بقوة المعنى والقافيه ....

لقد ابدع في مجال الحكمه والنصيحه والمدح والغزل ولديه مساجلات مع كثيراً من الشعراء[/color]

على سبيل المثال [color=#006600]الشاعر[/color] ــ فلاح الحنان و[color=#006600]الشاعر[/color] ــ عمر البجادي

و[color=#006600]الشاعر[/color] ــ مطلق بن خالد الحويقل و[color=#006600]الشاعر[/color] _سفرالبعيجي وغيرهم كثير.!

ومجراة شعراء اخرين منهم [color=#000066]الشاعر[/color] ــ فلاح الحنان ايضاً و[color=#000066]الشاعر[/color] ــ عايض بن حمود البقمي

ولكن في هذا اللقاء نريد ان نتطرق الى مجال الغزل مع ضيفنا في هذا المنتدى...!!

[color=#990000]((((((((( تفاصيل اللقاء )))))))))[/color]

[color=#CC0000]ابو فهد[/color] :: مساء الخير ابو متعب

[color=#0000FF]ابو متعب[/color] :: مساء النور

كما وعدنا اعضاء المنتدى الكرام بإننا سوف نتطرق الى مجال الغزل ومجاراتك

مع الشاعر ــ فلاح الحنان في هذا المجال . ( ونأسف على تقييد هذا اللقاء في هذا المجال )

[color=#0000FF]ابو متعب [/color]:: لا ابد طال عمرك . وتراني احب هذا المجال معكم

[color=#CC0000]ابو فهد [/color]:: نبي نسمع القصيده اللي مطلعها ...

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرحبا من قلب صادق ولا يعشق سواك = وعل قلبٍ مايحبك ويصدق مايعيش[/poem]

[color=#0000FF]ابو متعب[/color] ::

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
مرحبا من قلب صادق ولا يعشق سواك = وعل قلبٍ مايحبك ويصدق مايعيش
ياهلابك بعد ماغبت وانا في رجاك = لو قسيت وجرت بالوقت لكن ماعليش
والله ان لاموت وانا متيم في غلاك = بس لايدخلك في تالي الايام طيش
بعد خذت القلب تبغاني اسلا عن هواك= وش يسليني بعد قلبي اللي خذت ويش
كل شي يمكن اقدر عليه الا جفاك = لو طلبته قلت لك لا .. و لا .. من غير ليش
لوطلبت اليوم مني عيوني ما عصاك = بس هذي حاجة ٍ بعدها وشلون اعيش
والله اني ماتردد ولا ارجع عن لقاك = لو يجي بيني وبينك مع الاقراب جيش
والنهايه مرحبا بك وتدري عن غلاك = وعل قلبٍ مايحبك ويصدق مايعيش[/poem]

[color=#CC0000]ابو فهد [/color] :: صح لسانك .. ابو متعب

ايضاً فيه لك قصيده اللي تقول فيها :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان في حب العذارى عذاريب = ياناس ياكثر العذاريب فيّه[/poem]

نبي نسمعها يابو متعب .

[color=#0000FF]ابو متعب[/color] :غالي والطلب يرخص لك ولاخواني فالمنتدى

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
ياعاذلي والله ما اسمع ولا جيب = وارجوك لا تهدي النصيحه عليه
عن حب ترفات البني الرعابيب= ماضني ارجع لين ترجع طميه
ان كان في حب العذارى عذاريب= ياناس ياكثر العذاريب فيّه
حبيت حب ٍ حبه الزير لكليب = او حب قيس اللي هوى العامريه
حب الشرف والعز خالٍ من العيب = مالي ورى حب اريش العين نيه
ولا لي ورى شوفة حبيبي مطاليب = اطلب عسى المولى يخليه ليه
لاشافني مقبل يزف التراحيب = وانا ليا شفته كتبت الوصيه[/poem]

[color=#CC0000]ابو فهد [/color]:: الله الله الله يابو متعب صح لسانك

والله انك طمعتنا في سؤالك عن الكثير والكثير ولكن خوفي من الاطاله على

اعضاء المنتدى ودي ان اسألك عن مجارتك للشاعر ــ فلاح الحنان اللي

يقول فيها الشاعر ــ فلاح ::

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وين القمر بشكي له النجم ابو ذيل = واشكي له الابعاد وامفاحلتها
انا حزين شوي ماهوب بالحيل = كني فقدت من الحياة اثمرتها [/poem]

[color=#0000FF]ابو متعب[/color] :: والله يابو فهد من الواجب اني اقول قصيدة ابو طلال

كامله ولكن انها مايحضرني منها الا هالبتين اللي قلتها .. واعتذر من ابو طلال من خلال هذا اللقاء

ولا يجبرني على قول المجاراه مع ابو طلال الا طلبك لها ولاخواني فالمنتدى....

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
وين القمر بسهر معه باقي الليل = واشكي له اللي عشرتي بدلتها
وانشد سكون الليل عن نجمة سهيل = هل هو صحيح ان الموده نستها؟
يالليل خبرني ترى مابقى حيل = تعبت ادور عن سبب مشكلتها
يالليل كنا فيك نبداء التعاليل= وكم ساعة فيك العيون اسهرتها
وكانت تشع النور مثل القناديل= وليا ابرهجت دنيتي نورتها
واليوم غابت وابتديت الغرابيل= وعني مقادير الزمان ابعدتها
وعزاي في ذكر الليال المقابيل = كان العواذل ما بعد غيرتها
وان كانها سمعت كلام العواذيل= خسارتي بدموع عين ٍ بكتها
انا اشهد ان طرق المحبه بهاذيل= واهني ناسٍ طرقها مامشتها
معقول ماتقدر برد المراسيل!! = والا الضروف اللي حدتني حدتها!![/poem]

[color=#CC0000]ابو فهد[/color] :: صح لسانك صح لسانك ياااااابو متعب

في نهاية هذا اللقاء

[color=#000099]لا يسعني الا ان اقدم لك شكري وشكر مشرفين واعضاء المنتدى على تكرمك بتسجيل
هذا اللقاء القصير في منتدى سبيع ... ولكن قبل نهاية هذا اللقاء لا زم توعدنا يابو متعب
بإن نتشرف بك عضواّ من اعضاء المنتدى الذي يتشرف بك....[/color]

[color=#0000FF]ابو متعب [/color]:: الشرف لي بتسجيل هذا اللقاء في هذا المنتدى

العريق بمشرفينه واعضاءه واتمنى اني كنت ضيف خفيف عليكم ...واتمنى من الله التوفيق

للجميع ولهذا المنتدى... وانا اعتبر نفسي عضو من الاعضاء حتى لو لم اتمكن من التسجيل

فيه لان اسمه يعطيني الحق ان اكون عضو... [/align]

.
.
.