محاوره بين صياف الحربي ومحمدالمسعوي
 

من روايع المحاورات





صياف الحربي:رحبوا رحبوا بضيوفكم ياهذيل = البيوت الكـــرام تفـــــــك بيبانها
لا تقوم القيامه قبل وقت الرحيل = ليله نصوم ونصلي على شانها
محمد المسعودي: نعرف اليوم يوم ونعرف اليل ليل = ماتقوم البيوت الا بعمـــــــدانها
والله انك عميلي ماش غيرك عميل = راح حصنيها ويجيك سرحـانها
صياف الحربي : بعد بكره تبا تشتال حملٍ ثقيل = اسمع السالفه واجيب برهـانها
كيف اعاملك وانته ماترد الجميل = وان ذبحت الذبيحه تاكل لسانها
محمد المسعودي : الوكيل الله المعبود منته وكيل= ألزمك بالطلب واهل الطلب عانها
والفعل يذكرونه جيل من بعد جيل = والامانه سليم العقل ماخـانها
صياف الحربي : بايعين البضايع ماعليهم كفيل = ياخذون الثمن وهيه في دكانها
وانت مريتنا طرقي وعابر سبيل = وان بدا راسها ماشفت كرعانها
محمد المسعودي : دلة الهيل تسبق دلة الزنجبيل = نارها والعه مــاعج دخــــانها
وانت تدري وتعلم ماخلق المستحيل = نترك هزالها ونذكي سمــانها
صياف الحربي : جعل طيراً طلع راس الشفى مايميل = لين كل الطيور تكف جنحا نها
وش بقى لك بعد ولعت راس الفتيل = مابقى غير حبتـها ونيشـــانها
محمد المسعودي : عزوتي يحتمون ويسلمون الدخيل = معركه حاميه وهذيل فرسانها
ودي ان الرعد والبرق يقفاه سيل = تشرب الشجره اللي يبست اغصانها
صياف الحربي : كان صادق على ماقلت هات الدليل = من يخاوي هذيل يغني الحــــــانها
وانت مدري تبى شقران والا شعيل = كلها زمل توعدني بنيبانها
محمد المسعودي : طول الله شليلك ياطويل الشليل = اخوة المسلمين تساند اخوانها
نجمك الجدي ولا سعد ولا سهيل = عيش في كٍونها واخضع لديوانها

رد: محاوره بين صياف الحربي ومحمدالمسعوي
 

[B][SIZE=4][COLOR=blue]بيض الله وجهك [COLOR=red]يانوووواف[/COLOR] على تنزيلك هذه المحاوره التاريخـيه [/COLOR][/SIZE][/B]
[B][SIZE=4][COLOR=blue]وهي من اسطورة شعراء يستفاد منهم وسجلو تاريخهم في الساحه الشعبيه لشعر [/COLOR][/SIZE][/B]
[B][SIZE=4][COLOR=blue]وارجع واقول بيض الله وجهك[COLOR=red] يابن هليمـه[/COLOR] وتكفى حاول تنزل محاورات مثل هذه المحاوه[/COLOR].[/SIZE][/B]

رد: محاوره بين صياف الحربي ومحمدالمسعوي
 

وجهك ابيض و شكرا لمرورك على موضوعي وهذا شرف لي ووسام على صدري

رد: محاوره بين صياف الحربي ومحمدالمسعوي
 

بيض الله وجهك على النقل المميز وتقبل مروري

رد: محاوره بين صياف الحربي ومحمدالمسعوي
 

[SIZE=6]مشكوووووور والله يعطيك الف عافيه[/SIZE]

رد: محاوره بين صياف الحربي ومحمدالمسعوي
 

ناطق الحق مرورك وسام على صدري وتسلم لمرورك على موضوعي

رد: محاوره بين صياف الحربي ومحمدالمسعوي
 

الصندلي انا فخور بعد لمرورك على موضوعي وسام على صدري تسلم يديك