نصيحة للشاعر ناصر بن ماجد
 

قصيده للشاعر / ناصر بن ماجد السبيعي - رحمه الله - وقد هاضت بها قريحته لبعض ملاحظاته
من بعض الشباب من انحرافات وتغيرات في سلوكهم

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هـذا شبابٍ جـاء على المسلمين ذنوب= وقمنا ليا ولد الـولـد ما فرحنـا به
شبابٍ تدهور واعتنق مـذهب مقلـوب= يقلد على النسـوان في فصلـة ثيابه
َرجالهم يظهـر هبالـه بِطـول الثـوب= ويَزعل اليامـن قُلـت ما ِينتصلابـه
أنا أشوف لي ناسٍ تخافـق بـدون قلوب =سواة الطيـور إللي تخافق مـع الغابـة
لا حافظين أمن ولا ناطحـين حـروب =تلاوح مسـابحهـم فقـارا ونصابـه
ولاحتجت منهم واحدٍ ما قضا لك نوب= لا ينتضـلَل به ولا ينتـذرابــه
ومن راح منهم للوظيفة رجع مطلـوب =طوى مرجعه قيده بعد طَـول غيـابه
وركب ددسنٍ فيها ستـاير وقـام يلوب =عسى الله يجنب صالح الناس مـا صابه
وكب الوظيفة والمكاسب شريط حبوب =ولا طاح في درب الردى جاك بأصحابه
وراحوا لأبوه وفتشوا منزلـه بأسلوب= لكن أبوه مخــبره قبـل يدرا بـه
ولقوا بندق الشايب على غاية المطلـوب =وصكوا عليـه وضيـع الفسح ما جابه
تسبب عليه بمشكلـه ما لهـا ماجـوب =وشاف المصـايب كل أبوها من أسبابه
شباب الوطـن ما للرخامه عليـه دروب =لكن المعاصي المظلمـه هـارت أعصابه
غزتنا شعوب الغرب من كل فج وصوب =وظهر مذهبٍ في أسلافنا ما سمـعنـا به
ترى الرابح إللي من جميع الذنوب يتـوب= يحاسب ضميره قبـل مـولاه وحسابه
يخاف الصراط إللي نهار اللقاء منصـوب= وكلٍ يشاهد بالنظـر ويـش بكتـابه
وياللـه ياللي رد يوسف علـى يعقـوب= وذا النون من مثناة حـوت البحر جابه
انك ترجعهـم علـى سنـة المحبـوب =رسـول دعانا للهـدى واقتدينـا بـه [/poem]


[COLOR=indigo][ALIGN=CENTER]* "فنرجوا أن تكون عضة لمن يتعض من شبابنا هداهم الله " [/ALIGN][/COLOR]

رحمة الله على الشاعر واسكنه فسيح جناته
بالفعل قصيده انتشرت في الافاق لقوة كلماتها ولصدقها


سلمت يمينك يالقرم اللي سطرت هالقصيده

قوي العزايم

رحم الله شاعرها واسكنه جنة الفردوس مع الانبياء والصالحين واموات المسلمين اجمعين

تسلم يمينك على القصيده الجزله ولاهنت يا الغالي عليها

تقبل تحياتي اخوك بن جراح

الله لا يهينك ياقوي العزائم

وصح لسان الشاعر

واسكنه فسيح جناته

قوي العزايم جزاك الله خير على تلبية الطب ولك الشكر على هالقصيده الطيبه للطيب رحمه الله .


فعلا فيها عظه وعبره .

اخوي قوي العزايم مرحبا فيك

ويد لشاعر كبير في من الروح الصادقه الشي الكثير
لاهنت وجزاك الله خير


ويعطيك العافيه

اخوك

ابن شطيط

لله يرحمك ياناصر كنت نعم الجار

لاهنت ياقوي العزائم على نقل القصيده وبيض الله وجهك


تحياتي لك

اخوك البدر

الله لا يهينك يا قوي العزايم على القصيدة الطيبه

والله يرحم ناصر بن ماجد اشهد ان ما كذب في وصفه شباب اليوم

عسى الله يهديهم

وتقبل تحياتي
اخوك السيف

تسلم ياقوي العزايم والله لايهينك


ورحم الله شاعرنا وأسكنه فسيح جناته

رحمة الله على ناصر ابن ماجد وصح لسانه

كلامات من الواقع

مشكور اخوي قوي العزايم