منتديات سبيع الغلباء - قصيدة الشاعر مشرع العوهلي في الشيخ ماجد بن وندان الصميلي السبيعي

[FONT=Arial Black][SIZE=3]بسم الله والصلاة والسلام على رسول الله [/SIZE][/FONT]
(( من لايشكر الناس لايشكر الله )) ومن منطلق هذه الكلمات أحب الشاعر أن يشكر فعل الرجل الشهم بطريقتة الخاصة وعن طريق ما يجيده وهو الشعر فأجاد المادح وهو الشاعر مشرع ذعار العوهلي السودة السبيعي ويستاهل الممدوووح وهو الشيخ ماجد بن عبدالله بن وندان الصميلي السبيعي .
واليكم الابيات وأتمنى أن تحوز على رضى الجميع .

[poem=font="Arial,4,indigo,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ترى اللي رفيقه مثل ماجد طويل ذراع = ظروف الليالي القاسية مايهمنه
اليا جاه من بالهم قاسي زمانه لاع = ضحك ناجذه ومتونه الحمل شالنه
سريع ٍ لمحتاج الفزازيع بالمفزاع = عسى روس هافين المواقيف يفدنه
رعاياه مجد وطيب تخضع لحكم الراع = على الغير عصيا والصميلي يطيعنه
يدل اتجاه المرجله كان غيره ضاع = يدل المراجل والمراجل يدلنه
عشقهن على أول طلعته نادر المطلاع = وداس الصعايب لين صارن يعشقنه
طبوعه فعول الطيب ياحي ذا الأطباع = تولع بفعل المرجله من صغر سنه
زرعها بقلبه رحمة الله على الزراع = عسى شايب رباه منزله في الجنه
لاكنه فرض نفسه بطيبه وذكره شاع = عطاه الكريم اللي له الفضل والمنه
أعد الحقايق لامجامل ولاطماع = أقوله على فعل ٍ عيوني يشوفنه
بعد ماحصلي في السفر ميل من الأوضاع = طرقي مثل قبلي من الناس مرنه
تعطلت يومني تعديت وادي سباع = وسنع لزومي يوم الأخبار وصلنه
زهم ربعه الوافين قال أفزعوا ذا الساع = زهمهم بجواله وصاروا على ضنه
تكفل بسنعة موتري وأجره الصناع = وموتر بسواقه عطانيه ماحنه
لو إنه يريد العذر كان الأعذار وساع = ولو أنه ردي طول المسافات ردنه
عسى الله يطول في حياته طويل الباع = وعنه الجليل أعماله البيض يرضنه
عسى الي سواته رزق ربي يجيه أتباع = وسود الليالي للعرب مايحدنه
ومني عدد وبل المخايل ونبت القاع = ومافي السما من نجم وإنس الله وجنه
صلاة من الخالق تعالى على أفضل داع = رسول الهدى اللي بيّن الفرض والسنه
[/poem]