شوفو القصيده وعطوني رايكم وعلموني هي لمن
 

[CENTER]مدري وش اللي جابني لين مريت = ذاك المكان اللي يجدد جروحي

كنت اتجنب دايم امر ذالبيت = واليوم مريته وسجلت بوحي

يا بيت خبر ساكنك كيف عانيت = ثم خبره عني بصدق اوضوحي

قله تراني مانسيت وتناسيت = وقله مكانه في عيوني وروحي

وقله مع غيره ترى وما تهقويت = على العهد باقي لطاريه انوحي

ولدلال غيره ما عشقت وتقهويت = تحرم على لو تصب وتفوحي

ولغير حبه ما ذكرت وتعزويت = اذكر سينه يوم هو لي نصوحي

ويا طير ياللي فالخضيرا تعليت = خذ مني رساله قبل وما تروحي

انت الرسول اللي على السر وصيت = احفظ وصاتي جد ما هي مزوحي

وان كان من خلي بالاخبار ماجيت = يلحقك مني لوم ان كان توحي

وش فايدة ياليت ياليت ياليت = مامن كلمة ليت غير الجروحي


[/CENTER]

رد: شوفو القصيده وعطوني رايكم وعلموني هي لمن
 

تحرم على لو تصب وتفوحي
اذكر سينه يوم هو لي نصوحي
خذ مني رساله قبل وما تروحي
مامن كلمة ليت غير الجروحي

تحتاج وزن بسبب اخطاء مطبعية

يمكن الصحيح كذا

تحرم عل[COLOR=red]يه[/COLOR] لو تصب وتفوحي
اذكر س[COLOR=red]ني[/COLOR]نه يوم هو لي نصوحي
خذ مني رساله قبل[COLOR=red] ( حذف الواو )[/COLOR]ما تروحي
[COLOR=red] مامن كلام غير ليت الجروحي[/COLOR] ؟!!

رد: شوفو القصيده وعطوني رايكم وعلموني هي لمن
 

شكراً على هالمشاركه وبيض الله وجهك ويستاهلون المدح

رد: شوفو القصيده وعطوني رايكم وعلموني هي لمن
 

مشكووور اخوي مشعاب ع المرور
وشكرا على النقد والتعديلات
ولكن القصيده منقوله وقديمه شوي ويوجد اخطاء املائيه صحيح ولكن البيت الاخير هو هذا اللي سمعته
ومنقول كما هو

ما من كلمة ليت غير الجروحي

وهذا تعديل للبيت
تحرم علي لو هي تصب وتفوحي

(هي)

والشطرين
اذكر سينه يوم هو لي نصوحي
و
خذ مني رساله قبل ما تروحي

اخطاء املائيه ومشكووور على التصحيح



ولكن الموضوع الاصلي هي لمن