قصيدة رثاء
 

بسم الله الرحمن الرحيم




قصيده بالمروحوم /متعب بن سعد نشاء المحمد السبيعي (رحمه الله)




البارحه قلبي تلوفه طواريه** عفت المنام وعاف جسمي لحافه


والجفن عيا وابل الدمع يخفيه** والهم مابه لضماير مرافه


كني يتيمن يصفق الخد بيديه **عليه وقتن جايرن بالصلافه


امه توفت قبل الثدي يغذيه** قبل اربيعينه في امهادت لفافه


وابوه مات ولا تهنا بطاريه** الوقت في وجهه يبين جفافه


ولاه عمن جايرن مايداريه** مشقيه مابين العنا والكسافه


همن يصبح به وهمن يمسيه **وهمن على قلبه يزيد التفافه


وهمن ليا باعه يعود ويشريه** وباله عن العالم كثير اختلافه


حافي قدم ماحصل الي يوقيه** والجسم من برده يزيد ارتجافه


او كني الي فاقدن من يراعيه** عودن مسن وفي عضامه تلافه


الشوف قاضي مايقدي مواطيه **والشيب في راسه تكامل صفافه


يرجي وليين كل خلقه تناجيه **الــــــي قـــدر لــلغيم يكمل ضفافه


يشفيه ويعافيه عن مادعى فيه** ويعجل المولى ـبنجدة اسعافـــه


انا مثل حاله طوا قلبي التيه** والحض في وجهي تكـسر اجدافه


ذقت العنا والهم والي احتوا فيه** ولافيه همن كود مـمدوح شافه


طبيت ببحور الشقا والمتاويه** هاجوس قلبي قام يبـدي اشــرافه


وعشقت جون مابه الي تناديه** غير الوحوش الجايعه في اطـرافه


باسباب علم هز قلبي وانا اوحيه **علمن به دموعي تزايد انزافه


علمن جرح قلبي وبين خوافيه **وجيوش هم القلب بدا احتلافـــــه


علمن يشيب مسود الراس طاريه** والساق عيا لايتحمل اوقافه


صبح الثلاثاء في مبادي مباديه** جابو خبر عن خوة العفن عافه


قالوا ترا متعب يودعك ياهيه** في حادثن ببقيق خطط اهدافه


وضاقت بي الدنيا وضيعت مابيه **8والهم عل الله ينهي مطافه


ودعيت له ربن عضامن اساميه** مرجع بصر يعقوب عقب اكتفافه


الي علم ماكن صدري ومابديه** عـالــم بـسـري لـو خـشيت اعترافه


يارب يلي ماخسر من لجا فيـــه **كـونـت كـونـك بـيـن نـونـه وكــافـه


عساه بالفردوس تثبت مساعيـه÷÷ فـردوسـهـا الاعـلـى نهايه مطافه


ابجنب من بالدين سارت خطاويه** الـي نـهـار الـحـشـر عنـده لـطـافه


وبجن من صدق رسولن يـــناديه** وعقب النبي يحمل وسام الخلافه


وبجنب ذو النورين واللي موازيه **وعـسـاه بـالـجـنـه حسين الضيافه


ويالله عسى قبره زهورن تغذيه** سـحبـن من الـمـولـى تـزايد كشافه


ويارب تقبلي دعـايـه وـتشـفــيه **قـلـبـن عـقـب مـتعـب عـن الـهم لافه


الي ثلاث سنين بالـدرب اباريــه** عـلى الـشـرف مـاهـي بـخـوه خــرافه


ابوه في منهج هل الـطيب غاذيه** والـطـيـب لــلـمـروحـوم مـابـه كـلافـه


وتم الجواب الي ختمنـا معـانيـه** والــحــبـر خـلــيتـه بـــداخــل غــــلافــه


وانهيت قافي بالنهايه ومافـيــه** عــلــى الــنـبـي صــلــيت وانـهيت قافه

الشاعر/ ممدوح صويلح الهبداني العنزي

رد: قصيدة رثاء
 

رحم الله /متعب بن سعد نشاء المحمد السبيعي (رحمه الله)

وصح لسانك ولا عليكم زود يا عنزة

ننتظر بقية الديوان لا هنت