منتديات سبيع الغلباء - مراسله بين عبدالعزيز بن كمهان الجهوم والحميدي بن سعد السوده

[CENTER][SIZE="4"]بسم الله الرحمن الرحيم

أخواني الأعزاااء في هذا الصرح الراقي هذه مراسله بيني وبين
الشاعر الكبير والقدير /الحميدي بن سعد ابن بلعوس السوده
عسى أن ترتقي لذايقتكم .[/SIZE]

[SIZE="4"]اقول .[/SIZE][/CENTER]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يابو سعد برسل عليك المكاتيب=عنوانها سري وعاجل من الآن
درستها ورسلت منها تجاريب=عبر الفضاء بالبث من دون عنوان
ولبستها من عقد الألماس ياذيب=لأنك ذكي عارف وداري وفهمان
تعرف قوانين العرب والمواجيب=وتفهم رموز الشعر في كل ديوان
عندي عباره محتواها من الطيب=تحمل رسايل لؤلؤيه ومرجان
للي غلاه ايزود بالروح ويجيب=من قلبي المجروح تقرير برهان
سريع قول وفعل ماقلت به عيب=ولو الغلط فالقول من طبع الأنسان
مير البلا ترديد بعض الأساليب=حرأ شهر بالجوا من دون جنحان
ماقلتها من فيض بعض الهناديب=اقولها بالصدق من قلب ولسان
مانجهل الحاضر ولا نعلم الغيب=سبحان ربٍ يعلم الغيب سبحان
من خلقتي مازعلت من قوله امصيب=ولاني ببحث قول غادي وخسران
ورسلتها لك يالحميدي بترتيب=وبغى الأجابه منك ياذرب الأيمان[/poem]

[CENTER][SIZE="4"]رد ابو سعد[/SIZE][/CENTER]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا مرحبا بمؤدب القاف تأديب=ترحيبةٍ فيها من الورد بستان
ترحيبةٍ ترجح بكل التراحيب=بالشاعر اللي صاغ عذبات الألحان
بالشاعر اللي في ضميره لواهيب=مما يشوفه واضح ٍ بعض الأحيان
من صاحبٍ له من خيار الاصاحيب=وافي وله في منهج الطيب عنوان
لكن فيه أحيان بعض التقاليب=على حسب وصفه له أشكال ولوان
والصبر لو أجروح قلبك معاطيب=طيّب ما دام أن فيه سيّات وإحسان
والكامل الله دون شكٍ ولا ريب=والآدمي طبعه يجي فيه نقصان
إلا النبي يكرم عن النقص والعيب=هو الوحيد منزّهٍ يا بن فر زان
ومن تابع الغلطات تر ماله أصحيب=خلاه وقته ماله أصحاب وأعوان
خلاه وقته لين شاف التعاجيب=قالوه قبلي يا بن فر زان عربان
وأنته مجرّب ما تبي زود تجريب=حكيم رأي وترشد أفلان وأفلان
ولابد ما تصفي جميع المشاريب=ويدري بغلطاته ولو كان ما كان
ورفيقيك الغالي ولو به عذاريب=ادمح خطاه وصارحه قدر الإمكان
يمكن تفيده منك بعض التسابيب=ويعرف طريق الحق لا صار غلطان
وهذا جوابي يا حصان الاطاليب=لك مرسله حسب المعاني والأوزان
وصلاة ربي عد ذار الهباهيب=على النبي المصطفى نسل عدنان[/poem]