منتديات سبيع الغلباء - تهدى هذه القصيدة إلى الشيخ / حشر بن مسند السبيعي من الشاعر / عايض بن طلق المطيري

[CENTER][FONT=Comic Sans MS][SIZE=6][COLOR=green][B]بسم الله الرحمن الرحيم[/B][/COLOR][/SIZE][/FONT]
[FONT=Comic Sans MS][SIZE=6][COLOR=green][B]تهدى هذه القصيدة إلى الشيخ / حشر بن مسند السبيعي من الشاعر / عايض بن طلق المطيري بمناسبة مشاركته [/B][/COLOR][/SIZE][/FONT]
[FONT=Comic Sans MS][SIZE=6][COLOR=green][B]في مزاين الإبل بأم أرقيبه لعام(1432هـ) وحصوله على النخبة:[/B][/COLOR][/SIZE][/FONT] [/CENTER]

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

سلام تسليمٍ ينور بالصدور=لسبيع واللي حاضرٍ معهم جميع
تسليمةٍ تضفي على كل الحضور=معطره بالمسك وأثمار الربيع
نقطف معانيها مثل قطف الزهور=من هاجسٍ عن مستواها مايضيع
اربط قواعدها مثل ربط الجسور=من خوف وزنتها عن المعنى تتيع
ننقي جواهرها من أعماق البحور=في حلها نفتح لها الباب الوسيع
في حفل أبو سلمان لوجيه الصقور=نبا القوافي من مصادرها تذيع
في حفل رجالٍ على الطيب معمور=حشر السبيعي طايل الباع الشجيع
كم واحدٍ من حشر خايف ومحشور=أنه يجيب الفوز ماعنده نزيع
راعي مجاهيمٍ وسيعات النحور=تنومس اللي يشتري واللي يبيع
أثمانها زادة على أثمان القصور=تنومس السبعان عجلين الفزيع
البل عطايا الله قويات الظهور=أنزل لها الله بآيته شأنٍ رفيع
أن جيت أوصفها تقول أوصاف حور=تبا تجيب الفوز وتنومس سبيع
كم واحدٍ منها على الكبد محرور=يضحك لكن القلب من داخل وجيع
أبمدحك والناس مالحقهم قصور=كلٍ على فعله حسب ما يستطيع
ولافيه رجالٍ عن الفوز محقور=بكره مع اللجنه يذيع أبه المذيع
الطيب بين له علاماتٍ ونور=وأنته في وجهك ياحشر يلمع لميع
ما أحد يحوش الطيب من غير مخسور=ألا الكريم اللي على الطاله وليع
يوم الردي دايم مقيد ومهجور=باني عليه البخل لو أنه شبيع
والنعم ثم النعم للغلباء يدور=تاجٍ لروس أسبيع حامين القطيع
أنتم ورى ماقيل والكل مخبور=كسابت الطاله مزبنة الفجيع
تبيضون الوجه في كل الأمور=لطامة العائل هل السد المنيع
كسابت الطالات وافين الشبور=الطيب فيكم ساس ماتوه بديع
أهل الزعامه من قديمات العصور=أنقولها غصبٍ على اللي مايطيع
والنعم بالحيين واللي في القبور=عسى لهم عند الله الخالق شفيع
أبمدح أهل الطيب والطيب فخور=راع الوفاء دايم يرد له الصنيع
وأنا رفيق الطيب اللي مايبور=اللي على الشده كما السيف البتيع
ماحط في حزامي زهابٍ مايثور=يطمع بي المسكين والطفل الرضيع
يالأدمي دنياك لو زانت غرور=ياسرع ما تقلب مع الوقت السريع
الله يكافيكم صواديف الشرور=في ساعةٍ يعلم بها الرب السميع
أهديت لك يا حشر يا نمر النمور=قافٍ يعز الرأس يا الحر الطليع
[/poem]

[CENTER][SIZE=6][COLOR=green][B]الشاعر / عايض بن طلق المطيري[/B][/COLOR][/SIZE][/CENTER]