منتديات سبيع الغلباء - قصيدة مجاراة للشاعرين سلطان الهاجري وضويحي العتيبي

قصيدة مجاراه للشاعرين / سلطان الهاجري والشاعر ضويحي العتيبي بمناسبة مزاين أم رقيبه بأسم الؤسس رحمة الله وبحضور صحب السمو الملكي الامير مشعل بن عبد العزيز
وحيث أن الشاعر / ضويحي العتيبي ذكر أن الفوز بالجمع لفنجال والعكس صحيح الفوز لبن شويه السبيعي
في الجمع

[frame="1 80"][poem=font="Simplified Arabic,5,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
عندي مجاره للربع القصاويه= الطيّبه يتعب الطيب وينضمها
سلطان موحيت قوله وإن رجع ليّه=حللت هاذي وهاذيه بحرمها
وضويحي أدلى على دقات وهميه=واكبر خطأ كلمة الرجال يرغمها
لصار ماهيب مضمونه حقيقيه=وشلون يضمن نتايجها ويحسمها
يابن حسن ماتجي للناس جبريه=نفس الفتى مايجيها غير مجسمها
زكيت ما قال ابن وسام وشويه=غيّرت رايك ونفسك ليش توزمها
في موقفاً ماحصلك فيه حريه=أبوابه مقفلة وأنت أمتغانمها
الفوز بالجمع للوضح العرينيه=وضحاً طلع صيتها وفهيد مكرمها
هي الاوله مع هل الوضح الشماليه=أربع سنوات واسم الفوز رايمها
والفوز بالفرد ما حوله شبوهيه=حقيقةٍ واضحة ماحدٍ بكاتمها
حقايقاً عن رجال العرف مرويه=ونفس ٍ تقول الصحيح الله يسلمها
وسبيع فازوا بجمع وفرد مثنيه= والثالثه فازت الغلبا بموسمها
والرابعة فازت الوضح الحداريه=وضح ٍ نهار المرا محدٍ تقدمها
وأن هبت الريح بقلوب ٍ نحاويه=من دونها عزوة تكرب محازمها
يردون حوض المنايا ورد مطويّه=في حزةٍ جورها يفطر بصايمها
ومداتنا تغني النفس الشقاويه=عوايق الفقر مدتنا تحطمها
واعتيبه ونعم في يوم العكيليه=افعالهم وافيه مانيب ظالمها
ذبات الحيل واكعام الفداويه=وحنا رجال ٍ تحشمنا نحشمها
في ظل حكامنا فخر السعوديه=أبناء الوطن تفتخر في ظل حاكمها
حنا ثقتنا بوالي الامر مبنيه=واللي بناها لنا ماهوب هادمها
وجود مشعل يزودنا حياويه=شجع هل البل وكرمها ولايمها
جوائز الفوز عينيه ونقديه=نفس ٍ عطاها الولي محدٍ بحارمها
بسم المؤسس سعوديه خليجيه=من كف مشعل لراعيها مولمها
توضيح مني عسى الله يحسن النيه=الفوز بالجمع للغلبا وموسمها
حقيقةٍ واصحة ماهيب مخفيه=يابن حسن قنّع اعتيبه وعلمها
وأنت اقتنع كلمةٍ ماهيب سطحيه=أجسورها صلب ثابتٍ دعايمها
والتفرقه مالها داعي ومنفيه=الشعب وقيادته يشكر ترحمها
وأختامها ريح مسك وريح جاويه=والناس في شانها محدٍ بلايمها[/poem][/frame]

الشاعر ذياب بن دحيم السبيعي