قصيدة /سلطان الادغم في خادم الحرمين
 

قصيده لشاعر / سلطان سعد الأدغم في مولاي خادم الحرمين الشريفين




غياب يجرح وبعض غياب مايجرح

وغياب مثل الفهد هو والله الجـارح

في موت شيخ العرب ياكيف لي بشرح

عن حال شعب الجزيره كيف با صـارح

ياحـزننا اللي يطــول وهو ما يبرح

لا الشعب سالي ولاهو عنه أمبـارح

الدمع في عيوننـا يسرح بها ويمرح

كم مقلة غارقه في دمعهـا الطـارح

راح الذي عادته من جاه به يفرح

يا فزعة اللي وهودنياه بمطـارح

مولاي لك صورتن بالذهن ما تطرح

لو طال فيها الزمن تبقى كما البـارح

يا سـيرة بالعظـائم دفها يقـرح

تنبه اللي غفل وتوقظ السـارح

تتعب بها الصحف والكتاب والمسرح

تصعب تغطى جوانبها من الشـارح

لعل قبر ن خذاك وصارلك مطرح

يصير جنه وتقضي برزخه فارح

رد : قصيدة /سلطان الادغم في خادم الحرمين
 

صح لسانك يا سلطان



ورحم الله الملك والبركه في الخليفه

رد : قصيدة /سلطان الادغم في خادم الحرمين
 

غياب يجرح وبعض غياب مايجرح

وغياب مثل الفهد هو والله الجـارح


اقوووول بيض الله وجهك وصح لسانك

قصيده تعبر فعلا عن مشاعر كل مواطن


ولك مني كل الشكر والتقدير

اخوك

ابو فهد

رد : قصيدة /سلطان الادغم في خادم الحرمين
 

ابيض وجه النمـــــــــر قصيده جزله من جزل وصح لسان الادغــــــــــــم ,,,,,,, وتسلم انا مك على النقل المميز






تقبل تحياااااااااااااااااااتي

رد : قصيدة /سلطان الادغم في خادم الحرمين
 

كل الشـــــــــــــكر للأخـــــوان

( مشعاب / ابوفهد / عائش الليل )

على المرور والله يعطيكم العافيه .