صوت للشاعر سفر بن نهار وصدى للدكتور عبدالله الحضبي
 

[ALIGN=CENTER]بسم الله الرحمن الرحيم[/ALIGN]

اخواني الاعزاء


قد تكون هذه مفاجأة للأغلبية ويسرني ان اكون انا من ينقلها لكم

وهي عبارة عن قصيدتين لشاعرين من ابناء عمومتنا

احدهما هو شاعر سبق لي نشر احدى قصائده بطلب منه وها أنا انشر قصيدته الثانية بطلب ٍ منه ايضا ً

وذلك لحبه لمشاركتكم منتداكم رغم بعده عن عالم النت وهو صاحب الصوت هنا وهو الشاعر

سفر بن نهار بن سفر الثوري السبيعي

والآخر علم من اعلام الطب في مملكتنا الحبيبه وشاعر رائع في نفس الوقت لكن قد يكون الطبيب لديه قد تغلب

على الشاعر وهو البروفيسور

عبدالله بن سلطان الحضبي الثوري السبيعي

فباسمي وباسمكم جميعا ً اوجه لهما الدعوة للانضمام لمنتدانا في اقرب وقت باي صورة ٍ كانت

ونبدأ بالصوت وهو قصيدة الأخ الشاعر سفر

[poet font="Arial,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=350% align=center use=ex length=190 char="" num="0,black" filter=" glow(color=red,strength=5)"]
جيت عاني واحث الرجل يابوطلال = مر ٍ اركض ومر ٍ بين مشي وعدي
فرحتي ماتصورها حلوم وخيال = فرحتي يوم جيتك صادق ٍ ف وعدي
حالف ٍ لي يمين وصار في كل حال = ياعلى اسمك يمين اني لاسمي ولدي
والأماني تحقـق من عزيز الجلال = وابشر اني وقيت النذر يامسندي
جا سميك عريب الجد عم ٍ وخال = حافظه خالقه من كل عرق ٍ ردي
مــَنجـِبه روس ربعي ياوفي الخصال = انت عمه وخاله وانت شلفا يدي
وانته اللي على اسمك نسمي العيال = وانت نور العيون اللي بها نقتدي
ياغلا ً لك بقلبي راسي ٍ كالجبال = رافعه ومتعل ٍ فوق نجم الجدي
افتخر بك يابن عمي ولا جا مجال = والله انه اليا جالك مجال احدي
عل عود ٍ نجبكم في نعيم وظلال = في نعيم ٍ بهاله مقعد ومرقدي
وعل ربي على قبره يسوق الخيال = يغسله بالمزون اللي معاها بردي
مانسينا ذخركم ياكريم السبال = انت واخوانك كعام العدا وسـْعدي

[/poet]

وهذا هو الصدى قصيدة الشاعر البروفيسور عبدالله

[poet font="Arial,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=350% align=center use=ex length=190 char="" num="0,black" filter=" glow(color=red,strength=5)"]
احمد اللي جعل للشعر عندي مجال = اتنقى جزيله مايبيح جهدي
لاتهيضت جاني مثل قوز ٍ هيال = اتخير واسمي بالولي وابتدي
مرحبا عد ماهل الشهر بالهلال = يوم جيت متعني من فرحك تعدي
الفرح ياسفر لايوزن ولا يكال = مير من فرحتي فزيت من مقعدي
فرحتك فرحة ٍ لي مايبي له سؤال = والولد ياولد لو انت ابوه ولدي
ياعسى مشربه في عز ابوه الزلال = امني ياملايكة السما واشهدي
جعل شبه على درب المراجل عدال = طيب الذكر ابوه ابه الولد يقتدي
فالمعالي تعلى زاد فعله وطال = مابرك دونها له مصدر وماردي
ماهزع ماختلف لا ماتغير ومال = يوم ولد الردي خطر ٍ عليه يغدي
وربعي اللي رجال ٍ يوم عد الرجال = عزوتي لابتي هم محزمي ومسندي
جعلهم ذخر عن جور الزمن والليال = همه ارضي وسماي وبارقي ورعدي
وكل شي ٍ مصيره للفـنا والزوال = غير ذكر الفـعـول اللي لها نهتدي
وسنة المصطفى فيها حرام وحلال = ياصلاتي على خير البشر سيدي

[/poet]

صح لسان الاخ العزيز الشاعر / سفر بن نهار

وصح لسان الاخ الدكتور الشاعر / عبدالله بن سلطان

وسلمت يمين الاخ الغالي الشاعر / سعد بن جراش


اقول بيض الله وجيهكم جميعاً .........

ياطيب ذا القصيده وياطيب ردها ............

اخوي الشاعر / سعد . والله انك جزل ولا تجيب الا الجزل
واشكر اخوي مره اخرى .

ولكم مني فائق التقدير وخالص الود

اخوكم

ابو فهد

اخوي سعد بن جراش لاهنت وبيض الله وجهك على هالقصايد الجزله

وصح لسان الشاعر سفر بن نهار بن سفر الثوري السبيعي

والشاعر عبدالله بن سلطان الحضبي الثوري السبيعي

ولاهنت يابو جراش


البــــــــــــــــــــــدر

صح لسان الشاعر وصح لسان النا قل عنه

هذه الرائعه الجميله واللتي اتت من إ بن عم

لعيال عمه وفي منتداه

وحياك الله يالدكتور ويالشاعر وننتظر منكم الكثر


ومرحبابكم عدد حصمى الأرض من العاصمه حتى منازلكم


مع تحياتي أخوكم الواسطه

عدد حصمى :confused::confused:

صحت السنة الشعار عدد حصمى من جده ليييييييييييييييين مكه :D

وشكرا لك ياسعد عدد حصمى من مكه لييييييييييييين الطايف :D

<<<<<<< افلقني ان كان اعرف الحصمى :confused:



[MARQUEE=LEFT]طط طط[/MARQUEE]

أخي أبو ظافر الله يطول عمرك على هالمشاركات الطيبه .


وسح لسان كل من الشاعر سفر بن نهار
والدكتور / عبد الله الحضبي

وبلا شك كل متذوق أو عارف بالشعر سوف يقف معجبا بهاتين القصيدتين .




وندعوهم للمشاركة معنا في هذا الملتقى لتزداد الفرحة والأنس بهما .

لكم تحياتي .
ابو عمر

صح لسان الشاعر سفر ابن نهار

وصح لسان الشاعر الدكتور عبد الله بن سلطان

وتسلم يدك ياو ظافر على طرحها في المنتدى

ومشاركه لهامعني جزله

وانتمنى مشاركهم لنا قريبا

اخوك

ابن شطيط

شكرا يبو ظافر على الأبيات الرائعه
قصائد نادره وجيده .. وتسميه موفقه لابو عبدالله
وعاش الجميع
مع تحياتي

اخوي ابوفهد

صح بدنك نيابة ً عن هل الشان:D

وتسلم يمينك ودايما ً سباق للطيب


لاهنت يالغالي على مرورك واطرائك وانت راعي الجزاله طال عمرك


تقبل تحياتي

سعد بن جراش

كفو والله يابو ظافر

لاهنت على امتاعنا بهذه الدرر

لكل من الشاعرين الكبيرين

صاحب الصوت الشاعر / سفر بن نهار

وصاحب الصدى الشاعر والدكتور / عبدالله بن سلطان