منتديات سبيع الغلباء

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
جعلني ماذوق حزنك على طول الزمان=ياسبب بـدع القصايـد وياطاروقهـا

اعتزيبي وارتفع بك عن دروب الطمان=دامني مـن لابـةٍ ماتضيـع حقوقهـا

من عوايدنا نخضّب مقاديـم السّنـان=مزنـةٍ ينبيـك رعادهـا وبروقـهـا

مانعرف نقول زله ولاكبوة حصـان=روسنا تقدم على الموت قبل نسوقهـا

اعتزي يام النواعس ويالعـود الليـان=رددي ياشوقـهـا رددي ياشوقـهـا

اعتزي وان قالو الناس ماعندك اخوان=قولي ان العاشقـه تنتخـي معشوقهـا

وان نظرت العلم فعيون خلق الله بـان=قلت بنت اختارت اسمي وذا من ذوقها

والله ان اقوم معهـا عقـل ولاّ جنـان=وان تطيب اوفوقها وان تطيب اوفوقها

ثم اردد ثم اردد وحان الوقـت حـان=تمرةٍ من دونها السيف كيـف يذوقهـا

أقسمُ بالله ول يخسئ الـلاش الجبـان=لا تهقوى النايفـه مايطـول عذوقهـا

عارفٍ معنى القلاعه ومعنى الاتـزان=وسوق هذي سوقها وسوق هذي سوقها
ســالــم بــــن جـخـيــر[/poem]