الامير سليمان الشنيفي
 

انا ياربع اليوم عندي موضوع وفيه نوع من العتاب عليكم لانكم تجاهلتم رجل من رجال
سبيع العريقه الا وهو الامير سليمان بن يوسف الشنيفي السبيعي رحمه الله

هذا الرجل ولد في بلدة ضرما التي تبعد حوالي 80 كيلو عن الرياض على طرق الحجاز وله تاريخ حافل في البطولات شارك في ستة وثلاثين غزوة من اجل توحيد
المملكه وقد تولى امارة منطقة تيماء وامراة لينة والتي كانت من اهم مراكز منطقة الشمال وقد طوع اهل الشمال جميعهم وكان الرجل الثاني في ذاك الوقت بعد امير منطقة الشمال بن مساعد ... وقصره الان موجود في محافظة لينة ...

ومن المواقف التي صارت له انه كان في معركة تسمى المسعري مع قبيلة مطير
وحينما واجهه الشيخ عزيز الدويش رحمه الله وكانت ذلول عزيز الدويش مصوبه ووقع منها وكان يقدر يذبحه لكن عزة نفسه لم تسمح له بان يذبح شخص صوبة ذلوله ولاهو اي شخص انما هو الشيخ عزيز الدويش وكان شيخ مطير في ذاك الوقت وكان سلاح عزيز الدويش وقعت منه فلم يذبحه . واتى شخص فوجد عزيز الدويش وهذا الشخص شمري وذبح الدويش ولما وصل الخبر الى الشنيفي قال لازم اتأكد هل هو صحيح ولا لا ؟
فذهب ومعه ناس من الاخوياء اللي كانوا في قصره ومعهم الشمري ذا اللي ذبحه
وقال الشمري هذي هي جثة الدويش وقال للشمري عزيز مانت بكفوا نك تذبحه لان عزيز امير مطير كلها ولا ينذبح بالطريقة ذي ولا ينذبح من غير سلاحه وذلوله مصوبه لكن لو الخوف من الله لذكيك جنبه ياملعون الوالدين وقد قالت شاعرة من شاعرات مطير :
هذا الشنيفي لفا باخبار=ياقاري الخط وشجابه

يذكر عزيز عليه غبار=بالمسعري تكلح انيابه



وفي النهاية تقبلوا تحياتي

فيصل الشنيفي السبيعي

رد : الامير سليمان الشنيفي
 

[center]عتابك على العين والرأس

ومشكور على موضوعك وننتظر مشاركتك

عسى الله يردك لأرض الوطن سالم وغانم

وشكراااااااااااا[/center]

رد : الامير سليمان الشنيفي
 

هلا بك يالمفيلحي 1000

والله لايهينك على مرورك وابرك الساعات اللي ترد على موضوع من مواضيع

وجزاك الله خير والله يسلمك والوطن اشتقنا له وانا اخوك مير وش نسوي نبي

الشهادة ولا تنسونا من دعاكم ..

لا وابشرك السبعان وصلوا لامريكا وكلهم من افضل الطلبة في الجامعات وانا اعرفهم

عز المعرفه ورجال شرواك ماسكين دينهم ودنياهم ..

معنا في جامعتنا حول عشر سبعان وفيهم من العزه والقريشات والصنادلة وغيرهم


وفي الاخير تقبل تحياتي ..


اخوك : فيصل الشنيفي السبيعي

رد : الامير سليمان الشنيفي
 

ونعم والله بسليمان الشنيفي
مشهور وبارز
وهو راعي لينه
من قبيلة بني ثور سبيع
يقول الشاعر كما جاء في كتاب سوالف الطيبين للحضبي
الحناكي والشنافا والرجيعي والطريف من بني ثور الاصيله
كاسبين الجود والمجد الرفيعي يحتمون الدار بسيوف صقيله

رد : الامير سليمان الشنيفي
 

هلا بك ياخوي تين وارررررررررحب مليار

ومعاليك زود واانا اخوك ..


ومشكور على مرورك الكريم ..


تقبل تحياتي


اخوك : فيصل الشنيفي

رد : الامير سليمان الشنيفي
 

السلام عليكم ورحمة الله

الامير سليمان الشنيفي من مشاهير ضرما

واتمنى منك ان تزيدنا بقصصه يوم كان في الشمال وبيض الله وجهك


يامير عسا يجيلك عيال -- ثلاث غير عبدالله
مثل الشنيفي وابن بتال -- ولا ابن قبلان ضيف الله

ماهي قصة البيتين الجميلين وهل هي قديمة ام جديدة ولك الشكر .

رد : الامير سليمان الشنيفي
 

أرحب
أتنمي أخي الكريم أت تكتب لنا عن اسرة الشنافا بالعارض وغيرها
وكان يدرسنا أحدهم على ما أعتقد في كلية الزراعه ( علم الاجتماع الريفي )
وهو مرتب
ط بقسم الافتصاد الزراعي آنذاك ولا تذكر اسمه حاليا

رد : الامير سليمان الشنيفي
 

[size=5]الشنافا معروفين والهم مواقف بطوليه تفتخر بها سبيع وسليمان الشنيفي من ا ولايك الرجال اللى يفتخر بهم
الاخ فيصل نامل ان تجينا باالعلم النافع انت كذالك نعتز ونفخر بك شد حيلك
ولاتنسا المثل

||||||||| المكارم با المكاره تنال وتغتصب||||||||||


تقبل تحيات اخوك الشاعر مصلح بن ربح بن مصلح الصميلي[/size]

رد : الامير سليمان الشنيفي
 

ونعم فيك انت وجدك يابناخي مبارك
انت تذكرني ولا لا في الجامعه مبارك العطاوي

رد : الامير سليمان الشنيفي
 

اول رجل جاء لضرما عام الف ومئتين واربع وثلاثين من الشنافى هو سلطان الشنيفي وقد زوجه ال شعيفان اختهم نوف الذي ينتخون بها فلاعجب ان ياتي الامير سليمان الشنيفي بهذه المواصفات لانه من بني ثور واخواله شيوخ بني عمر والسلام