سبعان لا صاح المصيح من اقصاه=تفزع جموعن فعلهـا لـه هوايـل
 

[frame="7 80"]بسم الله الرحمن الرحيم
اخواني أبناء قبيلة سبيع ومرتادي هذا المنتدي ، اسمحولي أن اهديكم هذه القصيده المتواضعه المعبره التي قيلة في قبيلة سبيع من احد الزملاء




بكتب لي قيل واطلب الكـل يقـراه=بمدح رجال الطيب وأهل الفعايـل
أهل الكرم والطيب منهم وأهل جاه=وأهل فعولن تشهـد الهـا قبايـل
كلن بيمدح شوف عينه وما جـاه=والعذر كان القاف جاء فيه هزايـل
سبعان لا صاح المصيح من اقصاه=تفزع جموعن فعلهـا لـه هوايـل
دولة نظـام للعـدو سـم وقـذاه=فزعة قريب ماهي جيش وفصايـل
ثار الدخن من اسود البيب عـزاه=مسكين ياللـي طامـع بالحمايـل
ثم اعتلوا من فوق حمرن مسمـاه=قد سولت لشيـوخ نجـد سوايـل
ثم انتخوا مفراص ماصن مع وصاه=والكل منهم عاملـن لـه عمايـل
صبيان يسبيع للعـذارى هـم ذراه=لاطوحت بالصوت بنـت الحمايـل
عاداتهـم لحقهـم سـد واقضـاه=مازايـل الطـلاب منهـم زوايـل
شوق البارود ومزينه مزين غنـاه=كسـر العظـم ولاماغيـره بدايـل
ومنهم يطيح الشيخ تسمع له رغاه=والقوم طرحـى تحسبنهـم نثايـل
وانكف منهم طامع الـذود بدمـاه=يسحب صوابه تايبـن مـا يعايـل
والـذود عـود جالبينـه لمرعـاه=حمرن وصفر مخالطتهـا همايـل [/frame]

رد : سبعان لا صاح المصيح من اقصاه=تفزع جموعن فعلهـا لـه هوايـل
 

صح لسان الشاعر .. وسلمت يمناه ..

قصيده جزله .. ويستاهلون ربعنا ..

ما قصرت يا جزل العطايا على ايراد القصيده ,, وبيض الله وجه كاتبها ونا قلها ..

تقبل تحياتي ،،

اخوك
محمد بن سلطان الثوري

رد : سبعان لا صاح المصيح من اقصاه=تفزع جموعن فعلهـا لـه هوايـل
 

صح بدنك يابو سلطان والله لايهينك على المرور

رد : سبعان لا صاح المصيح من اقصاه=تفزع جموعن فعلهـا لـه هوايـل
 

ياجزل العطايا وش هالنقوه اللي تنشرها انا بصراحه من المتابعين لك وللقصايد اللي تنشرها
سلمت وبيض الله وجهك
اخوك فهد الحضبي

رد : سبعان لا صاح المصيح من اقصاه=تفزع جموعن فعلهـا لـه هوايـل
 

مرحبابك والله يالحضبي وسلمت على الشهاده اللي اعتز فيها لاجت من وحدن شرواك ولاهنت على المرور يالقرم

رد : سبعان لا صاح المصيح من اقصاه=تفزع جموعن فعلهـا لـه هوايـل
 

صح إلسانك ... وبيض الله وجهك



وفيت وكفيت أخوي جزل العطايا



[11]تحياتي لك والسلام عليكم[/11]

رد : سبعان لا صاح المصيح من اقصاه=تفزع جموعن فعلهـا لـه هوايـل
 

شكرا للاخ جزل العطايا وليس غريب على سبيع العريقه هذا المديح والثناء ............تحياتي

رد : سبعان لا صاح المصيح من اقصاه=تفزع جموعن فعلهـا لـه هوايـل
 

مع التحيه لجزل العطايا
على حسن الاختيار
لكن مااسم الشاعر ؟؟؟؟؟؟؟؟؟؟؟؟؟؟؟؟؟؟؟؟؟؟

رد : سبعان لا صاح المصيح من اقصاه=تفزع جموعن فعلهـا لـه هوايـل
 

اشكرك اخوى جزل العطايا

وتسلم

رد : سبعان لا صاح المصيح من اقصاه=تفزع جموعن فعلهـا لـه هوايـل
 

صح اللسانكـ واللسان قايلها ..

ولك الشكر والتحية جزل العطايا من أخوك راعي الأوله..