قصيد ة قالها الشاعر اثنا وجوده في امريكا
 

عين باللي تسهر الليل للوقت الأخير
كن صافي الشب في نونها يعبالها
لادفعت الرجل في الغرب عيت لاتسير
تلتفت عيني وقلب الخطا يبرالها
ليت وني لي جناحٍ مثل طيرٍ يطير
كود عيني تهتني بالكرى واشوالها
يم دارٍ كل ماهب لي منها عبير
اسهر عيون الشقا وارخصت همالها
دار متعب سبق الجيش يوم انه يغير
لين سادبه الجزيرة وساد ارجالها
والله انه ماجرحني ولع في الضمير
غير بعد العزوه اللي تشوق افعالها
عزوة في الكون ننطحبها الجمع الكبير
من وقايعها تعشي السباع عيالها
سعد منهم فزعته كل ماصاح النذير
حي ذيك العزوه وحي والله فالها
يوم صالات القبايل متيهت البعير
للعدى ترسي على الأرض مرسى جبالها
سعد ابو من زارهم قبل تقرير المصير
فوق خطوى عابرٍ من تحتها ظلالها
في بلاد الغرب بين الأطبا والسرير
تشتكي نفسي لرب الخلايق حالها
في رجا الله صابرٍ والله بحالي خبير
عالمٍ ماتمتني النفس قبل سوالها
يالله اني طالبك ياكريم وياقدير
عودةٍ قدام نفسي تشد ارحالها


الشاعر /سعد عويد ثواب المجمعي

رد : قصيد ة قالها الشاعر اثنا وجوده في امريكا
 

صح السانك والسانه هذا شي مجرب
نار الوطن ولا جنة الغربه

رد : قصيد ة قالها الشاعر اثنا وجوده في امريكا
 

صح لسانك ولسان قائلها ولاهنت يالقرم

رد : قصيد ة قالها الشاعر اثنا وجوده في امريكا
 

صح لسانك ياراعي الكور وصح لسان قايلــــــــــــها
وأشهد أن أصدق الشعر مايقال في الغربة والمرض

رد: قصيد ة قالها الشاعر اثنا وجوده في امريكا
 

[color=#000099][size=6][align=center]صح لسان الشاعر وسلمت على النقل المميز

وتقبــل مروري اخـــوك/ صـــــرام[/align][/size][/color]

رد: قصيد ة قالها الشاعر اثنا وجوده في امريكا
 

[frame="3 80"][align=center][size=7]مشكور ولاهنت[/size][/align][/frame]