اهداء الى الشاعر سهم وكل العزوبيه ؟؟؟؟
 

[COLOR=darkblue][SIZE=5][ALIGN=CENTER]بسم الله الرحمن الرحيم [/ALIGN][/SIZE][/COLOR]

[SIZE=4][COLOR=darkred][ALIGN=CENTER]اخواني الاعزاء اهدي اليكم هذه الأبيات المتواضعه وخاصة الى اخي العزيز سهم ( رمز العزوبيه ) والذي

استثارتني قصيدته التي نقلها لنا بعنوان اعيش فالدنيا عزوبي على طول فارجو ان تنال ابياتي اعجابه واعجابكم[/ALIGN][/COLOR][/SIZE]

[poet font="Arial,4,black,normal,normal" bkcolor="transparent" bkimage="backgrounds/13.gif" border="double,4,gray" type=0 line=350% align=center use=ex length=190 char="" num="0,black" filter=" glow(color=white,strength=5)"]
الله يرحم حالتك يالعـــــــــــزوبي = كل ٍ اذا شاف العـــــــزوبي يهبيه

مسكين ضايع في جميع الدروبي = قضى حياته فالسهر والمشاريه

لامن تكلم قيل هذا كذوبـــــــــــي = واليا تعثر مالقى احد ٍ يقــــــــد يه

طاري الوظيفه طار وسط الهبوبي = ماله وسايط مالقى احد ٍ يزكيه

كل ما بغى ينطح جسيم الخطوبي = جره ردى حظه على سكة التيه

عاف الحياة وصاب شمسه غروبي = ثم باع نفسه وانسلخ من مباديه

من شلة الإدمان صار محسوبي = قولوا عسى الله تالي الوقت يهديه

[/poet]

ابو ظافر

بيض الله وجهك وصح لسانك على هالقصيده

والله يعين العزوبي ان شاء الله على عيشه كانه على هالحال

ويرزقه بنت الحلال اللي تخلي الناس تلتفت له بوظايف والا شي

وتقبل خالص تحيات اخوك بن جراح

اخي وحبيبي وصديقي مسيو سعد بن جراش

لقد اطلقت علي لقب رمز العزوبيه وانه لفخر لي وحق لي ان افتخر من حصلها لقب رمز شي طيب حتى لو كان عزوبيه ما يهم اهم شي اني رمز:D:D

واحب ان اقول لك صح لسانك ثلاثمائه الف مليار على القصيده الرائعه والتي ان دلت على شي فانما تدل على انك عزوبي رايح فيها :D:D

مشكور من كل البي على المشاركه الاموره ونتمنى بعد تتحفنا بالمزيد من قصائدك الجميله



الرمز سهم

اخي العزيز ابن جراح

صح بدنك والله لايهينك على مرورك يالذيب

وهذه قصيدة تفاعلية مع العزوبي ورمز العزوبيه الاخ سهم

وان شاء الله ان كل عزوبي يجد بنت الحلال اللي تساعده على تكاليف الحياة وان يجد مايسره

في قادم الايام


مع تحيات عزووووووووبي قديم وذالحين ماهو عزوووووووبي:D

ا بو جراش

السلام عليكم ورحمة الله وبركاته

ماشاءالله على هالقصيده اللتي تحكي حياة أغلب العزوبيه

وعسى الله يوفقهم ويعينهم على توديع العزوبيه







تحياتي / اخوك الواسطه

صح لسااانك اخوي بوظافر

والله يزوجنا جميع :D

وابو سهم اولنا ان شالله :)

لاهنت يالقرم .

اخوك مذكر

صح لسانك يابو ظافر


صح لسانك ياشاعر الابداع


صح لسانك الى مالا نهايه

صح لسانك يالقرم :D


ياأقرم واحد في السوق القديم :D:D



قصيدة جزلة جداً

ابو ظافر


لاهنت على القصيده الجزله وبيض الله وجهك وصح لسانك والله يسهل على الشباب ويتزوجون ويرتاحون من العزوبيه





اخوك البدر

اخوي الواسطه


الله لا يهينك على مرورك الكريم وان شاء الله تتوسط لخوينا العزوبي على شان يلقى وظيفه

ويقدر يودع العزوبيه:D

دام لي هذا التواصل