اقتباس:
المشاركة الأصلية كتبت بواسطة منصور الحري
وهذه قصيدة عليا مرسلةً لأبو زيد
ياركب اللي من عقيلٍ تقللو = على ضمرٍ شروى الحنايا نحايل
ابا اوصيكم وصاةٍ ماتثقّل ركابكم = خفيفه على راعي الثنا والجمايل
واليا لفيتو لاهلكم عقب غربه = متغبطينٍ في بطون الحلايل
فقولو لبو زيدانّ بغاني بغيته = وأنّ دوّر البدلا لقينا البدايل
كمٍ رجوس الحجل تبلى بعاقه = وكمّ عقةٍ تبلى بوافي الخصايل
أنجبت أخضر مايزرر ثيابه = هبيل يلعب بالقلوب الهبايل
والله لولا البحر بيني وبينه = جيته على وجناّ من الهجن حايل
أبا زيد غرّات الصبا لاتغرّك = ترى الهجن خيرٍ بالسرا والقوايل
بالشتا عليك من الهجن سمرغيّه = وبالقيظ دوّر من كبار الشمايل
غزاليّة المقدم جماليّة القفا = عليكم بها ياراكبين الرحايل
أبا زيد لوّ انّ النسا تركب النضا = جيتك على وجناّ من الجيش حايل
لكن صريخ الكور حدري وفوقها = صريخ القطا في محكمات الحبايل
أبا زيد تنساني وتنسى جمايلي = الله أكبر يانكور الجمايل
نسيت يوم انّ عرقات الارطا بيننا = يوم انّ جعدي فوق متنيك مايل
أبا زيد تنسى يوم ترشح لذبليّ = كما يرشح العطشان باقي البلايل
قولو لا ابا زيدٍ ترى الواديّ امتلا = وكلّ شعيبٍ من علاويه سايل
يبيعون ماباعو ويشرون ماشرو = ولا غبن الاّ بالنضا والحلايل
|
^^^^^^^^^^^^
تكملةً
ويوم وصلت الرساله لابوزيد ركب ذلوله وتوجه لبيشه اول ما وصل وشاف عليا عرفها وقبل ما تعرفه ويوم تعرفت عليه استغربت من شكله متغير وقالت له
وراك يا ابوزيد غاد(ن) شايب=شايب ومشهوهب وكنك ذيب
انا اشهد ان البعد ما يهم طيب=ولا هو على جزل الرجال صعيب
قال ابو زيد
بلا من هجرك ومن غربة النيا=ومن نوبتن تزمي وهذيك تهيب
اهلك بالوديان وديان بيشه=واهلي شمال الشمس يوم تغيب