[مسعود الحويزي]

السلام عليكم ورحمة الله وبركاته :

الى الشيخ / عساف بن فهيد الحضبي ............... مع الاحترام

قلت أسيّر يوم ضاق الصدر أدور للوناسه=كنها ضاقت عليّ فجوج ربي من عماسي
للرفيق إللي من التقدير يعجبني حماسه=مرحبا بك لا نصيته زودّت عندي حماسي
والله إني لو مالقاء عنده إلا الماء في كاسه=كنه مقلط ذبايح عشر في وسط التباسي
والله إني لو أقوم أحب خشمه ثم راسه=مايعبّر عن ضمير(ن) فيه قدره لا يقاسي
لو يسوّي مايسوّي قلت حكمه أو فراسه=فالمكانه قد تعداء عندي الحد القياسي
من بغى يمشي على ممشاه يمشي في قياسه=ويرتكي للحمل مثله لارتكى له كالرواسي
عزوتي عساف طيبه طاب له من طيب ساسه= شيخ من نسل الشيوخ إللي تروس ولا تراسي
عزوتي عساف ماجته الشجاعه بالدراسه=الشجاعه فيه فطره بالوراثه والمراسي
عزوتي عساف في وقت المواقف والرياسه=اعتلاء فوق المنابر ماجلس فوق الكراسي
عزوتي عساف في وقت المفاوض والسياسه=دبلماسي ماتقول ألا المفوض والسياسي
عزوتي عساف كن الجود قطعه من لباسه=لا لبسها جت على جسمه وشكله بالمقاسي
عزوتي عساف لدار الدهر وإشتد باسه= مايهز الوقت مني شعرة(ن) من شعر راسي
الرفيق إللي ليا جيته مدوّر للوناسه =رحت مستانس وراح الهم عني والعماسي

/
/
/