السهول يشكرون كل من وقف معهم من قبائل الجزيرة العربية قاطبة والله يجعل ذلك في ميزان حسناتهم قال تعالى:{من يشفع شفاعة حسنة يكن له نصيب منها ومن يشفع شفاعة سيئة يكن له كفل منها ) وعلى الخصوص إمراء قبيلة إخوانهم سبيع كما يشكرون شيوخ وأمراء قبيلة البقوم على ما قاموا به من مجهود طيب ويسألون الله الشفاء لوالد القتيل الشيخ فيصل بن سند البقمي مما أصابه أثناء الجاهية و أن يهديه الله للعفو لوجه الله قبل كل شيء ثم لوجيه شيوخ القبائل الذين قصدوه طلبا ً للعفو والصفح وهذه قصيدة انقلها لكم للشاعر المعروف محمد الجار الله السهلي
يالله ياعالم خفى الانفـس وماكـن الضميـر=تشكي عليك الخلـق بلواهـا وقـو الامهـا
ياللي عبادك تحت ظلـك تستظـل وتستجيـر=من حر شمس عيوبهـا وذنوبهـا وآثامهـا
نلوذ بك عن شر بقعا اللي رحاهـا تستديـر=ونعوذبك من فتنـة الدنيـا وسـو اوهامهـا
تغرنا في غيهـا والعمـر محـدود وقصيـر=ومرد الانفس للقبـر مهمـا تطـول ايامهـا
بشر ويجذبنا لتكرار الخطـى سلـك الحريـر=نورك مبين ومن جهل نشفق علـى ظلامهـا
ولاينفع الانسان في اليوم العبوس القنطريـر=الا فعول الخيـر فـي دنيـاه كـم ارقامهـا
يـارب وفقنـا وسهلهـا ولاغيـرك نصيـر=لاغرغرت روح الابن آدم وبلشت بأنسامهـا
يامفرج الكربات و الضيقات والامـر العسيـر=فزعتك قدام القلوب تمـوت بيـض احلامهـا
جملني في عين الصغير من قبل عين الكبيـر=وساعد اهجوسي بمعانيها وحسـن الهامهـا
من دار اخو مريم عنيت احث رجلي للمسيـر=جيت وطحاطيـح الرجـال وقفتـي قدامهـا
ودي بها في وضع ماهو نفس هذا الوضع مير=لايامنـا دوراتهـا وللـظـروف احكامـهـا
سلام ياهل الطيب والناموس والسيف الشطير=يانسل سـادات العـرب وابطالهـا وكرامهـا
ياهل القنى و اهل الثنى والعز والمجد الوفيـر=يالابـةٍ مـقـام راس النايـفـه مقامـهـا
بقوم روس القوم والامجاد في فـي وهجيـر=عنوان عز الجيـره وسقـم العـدا وكعامهـا
ظهور السواني معلمين الترك معنى زمهريـر=جحافـلٍ قدامكـم شكـت بـرود عظامـهـا
اليا رضيتوا كل سنين الزمـن وجـهٍ سفيـر=واليا زعلتوا تزعل ايـام الزمـن واعوامهـا
وسلام يالسميان ياهل الخيل والصيت الشهير=صفوت ميادين الوغـى لاثـورت بأعسامهـا
آلاد سامي منبـع الطـالات لاصـاح النذيـر=ستر الهنوف اللي تعزوى في فعل ضرغامهـا
اليا ركبوا قب المهار ودكوا الجمـع الغفيـر=تبرك زحازيح الرجـال وتعلـن استسلامهـا
لابة شرف من يعترضها بالردى ماهو بخيـر=من طيبها ضامت زمـان الشـده ولاضامهـا
اليا عطت كنها تغرف من جمة البحر الغزيـر=واليا خذت قـادت ذلـول الكايـده بخطامهـا
يامعتقت دم الدخيل مجبـرة عظـم الكسيـر=انتـم خـوال المرجلـه والطايلـه عمامهـا
تكفون يارجال الكـرم اتجـاه الاول والاخيـر=تموا طلبنـا يامقابيـس الوغـى واعلامهـا
تكفون ياروس الرجال اللي تشور وتستشيـر=ردوا على ام اليتـم اغلـى واعـز ايتامهـا
تكفون يانطاحت القاله اهـل الخيـر الكثيـر=تجملوا في اللي حضـر عوامهـا وحكامهـا
تكفى يافيصل تمها في يديك تحديـد المصيـر=ناسٍ تبي الجنه على هـاذي تحـث اقدامهـا
يابو سند مال الكبيـره كـود رجـالٍ كبيـر=ومثلك سند للمعضـلات وشيخهـا وحزامهـا
تكفى عسى ينساقلك من جنة الخالـق بشيـر=يعوضـك الله بالجنـان الخالـده واختامهـا
قل تم تكفى ياسليل المجد والصيـت الشهيـر=رجع على ام اليتـم اغلـى واعـز ايتامهـا
مع تحيات أخوكم سعود الحويدر السهلي
والله يجزاك خير يابو جار الله