ياسبيع ياهل الثـلاث الـي بهـا تعرفـون=واهـل البـخـوت الكـبـار الــي تسمابـهـا
واهل البشوت الوساع الي لها تلبسون=الـلـي تجـمـل وتــذري مــن تــذرا بـهــا
ياسبيع يالي على صم الرمـك تحتمـون=البـل بشلـف يـفـض الاراس مضرابـهـا
ياسبيع يلي على وقت العسـر تكرمـون=ياللـي علـى المصراعيـن تفتـح ابوابهـا
ياسبيـع يالـي بتاريـخ العـرب تـذكـرون=تحـكـي الـتـواريـخ عـنـكـم ونتحاكـابـهـا
ياسبـيـع لاكـثـرت الــردات ماتهـزمـون=لاصاحـت المحصـنـات وشـقـة اجيابـهـا
ياسبيع ياهل الرماح الي تفض المتـون=اهــل عــزوة ماتخـجـل مــن تعزوابـهـا
ياسبيع ياللي على سلم شرف تصعدون=الـعــود يـرقــا بـهــا والـغـمـر يرقـابـهـا
ياسبيع ياهل الفخر من حقكم تفخـرون=ولـــولا صـــدوق الـعـبـارة مانطقنـابـهـا
والله لـولا اكتسـاب الـمـدح ماتمـدحـون=الاقـول بـعـد الفـعـول امــوت واحيابـهـا
عليـكـم البـيـض ننشـرهـا وتستـاهـلـون=والبـيـض لسبـيـع حـاضـرهـا وغيـابـهـا
ياللـي بنيـتـوا خـيـام العـفـو تستقبـلـون=جتكـم قبـايـل بـنـو قحـطـان واصحابـهـا
قـبـايــل يـطـلـبـون الله ثـــــم يـطـلـبــون=ذبيـحـة ربـطـت فــي حـــوش قصـابـهـا
بجـاه ربـي وبجـاه الرسـل والمسلمـون=نـطـلـب رجـــال تـقــدر جــــاه طـلابـهــا
عفـوا عساكـم نهـار البعـث تستبعـثـون=في زمـرة الانبيـاء والرسـل واصحابهـا
ياسبيع جينـا لكـم نمشـي علـى ماتبـون=بــعــد بـلـتـنــا الــبـــلاوي وابتلـيـنـابـهـا
حنا اللحم وانتم السكيـن والكـون كـون=كــانــت وبــانــت وحــنـــا مـادريـنـابـهـا
مـن غــدر الايــام لانسـلـم ولاتسلـمـون=بقـعـا تـلــف وتـــدور وتـفـتـل اشنـابـهـا
وحنـا عــن الغـيـب لانعـلـم ولاتعلـمـون=والـدهـر فـســر احـــلام ماحلـمـنـا بـهــا
واليـوم جينـا وبـكـرة جعلـكـم ماتـجـون=تشكون مـن نزعـة الشيطـان واسبابهـا
والنفـس احانـت وادانتهـا كبـار الديـون=وابـلـيــس لــشــر وداهــــا ولا جـابـهــا
تخضع تحـت سيـف الله حديـد السنـون=امـا تـعـشـابـهـا والا تغدابـهـا
تسامـحـوا واعتقـوهـا جعلـكـم تعتـقـون=فـي ساعـة كـل نفـس تعـرف احسابـهـا
وصلوا على اللي بنور هدايته تهتـدون=نبيـنـا الـلـي فـتـح مـكــة وصـلــى بـهــا
اللـي رفــع رايــة الاســلام للمسلـمـون=واهـدم وهـدم بيـوت الشـرك واحزابهـا
لشاعر/ سيف كليفيخ الجروي القحطاني