|
رد : بدأت الدوره الثانيه لشاعر المليون
كُتب : [ 12 - 07 - 2007 ]
لاهنت على الخبر يا بن العم لاهنت
وبرنامج متواضع لا بأس فيه مثل شاعر المليون !!
من متى وصار للشعر ( براق ) !!
وللشاعر فلوس ؟؟!!!
و مليون هي حلم شاعر ؟؟!!
للعلم ترا الشاعر خياله يفوق كل الوصايف . خياله واسع . ما تسده فلوس ولا ( شاطئ الراحه ) متى ما انتهى شاطئ الراحه ؟ ينتهي مفعول الشعر ؟!!
الله يرحم أيام أول يوم الشاعر ما هو مقيّد بلجنه... شعره من حبل أفكاره و إبداعه .. ماهوب مثل ذالحين والعياذو باللله .. يعدون ورا الماديه .. انا ماقول ان مابه شعار ماديه!! بلى فيه ولكن لهم طريقتهم أمام الامراء .. أما احطلي برنامج وأصيح لهم بأعلى صوتي : تعالوا شاركو والي يفوز له مليون ولا بعد له براق الشعر !!! بري حال الشعر كانه وصل لهالمستوى ( ( شحاذه بالعلن ) ؟
لا باللله يا عيال عمي تكفون ارفعونا من الردى ..
إن كان العرب انهبلت وتعدي ورا هالفضائيات والماديه الله يعلم الى وين بتاخذنا ..
حنا واللله ثم والله ما بالغ إن قلتها والله ( الزمن يقف لسبيع ) .. وش عاد تلفزيون ولا لجنه
وان كان القصد الشهره ؟ .. ترانا عرفنا شعار أول دون فضائيات ولا غيرها ابد ابد ابد . من يطلب العلى سهر الليالي . وللعلم للي يطلبون الشهره من خلال التلفزيون .. ترا التلفزيون متهم أول بإظهار شعار خلنا نقول ماهم بمستوى الشعر .. للعلم يعني
يا عيال عمي أنا من هل الكويت والله ماعرف ناصر الفراعنه ومبطي ما جيت السعوديه ونا عارف اني مقصر ولكن اللي بقوله وش .. ترا ناصر الفراعنه ماعرفته لا من لجنه مدري ويش !! ولا من مليون مدري ويش !! أشرطه أمسيات في أفراح بإحدى ديار المملكه عسى الله يحفظها .. هذا خدمته الفضائيات ؟ هذا خدمه شاطئ الراحه ؟ هذا خدمته المسجات ؟ الفضائيات غزو : تجبرك على رؤية من لا ترغب به من خلال عرضه 24 ساعه . أما الاشرطه بإرادتك أن اردته فأذهب إليها ..
واخر شي والله اني استانست يوم خسر ناصر الفراعنه بالتصويت مع مدري وش اسمه الظاهر : بن جخير !!
الفكره واضحه وضوح الشمس الدعوى : فلوس مسجات .. ماهي فزعه ولا عتق رقاب ولا ديه يوم نستنفر عليها !!!
العقال الي يدركونها ...
ولا الفرق شاسع ما يحتاج مع بن جخير .. مافيه ادنى مقارنه كالتالي : .
ناصر الفرااعنه /// بن جخير
قال الف بيت بالقدس /// قصيدة يام
الف بيت الملحمه العامريه /// قصيدة يام
خمس مية بيت بالرسول /// قصيدة يام
خمس مية بيت دون نقطه /// قصيدة يام
قصيدة في سيدنا يوسف عليه السلام //// قصيدة يام
الشائيه //// قصيدة يام
الخ ... إنتهى !!! يا عيال عمي والله مافيه مقارنه ... بس شنسوي هاذي حال الفضائيات .. تولعها بين القبايل عشان الفلوس من خلال المسجات ...
ولا ابي ابعد عن محور الحديث عن شاعر المليون
فا الله يرضى عليكم يا بني عمي يا عصبة راسي لا تسنفرون مع هالعالم الي ما تميز( الشعر) و (الماديه والشهره ) اعوذ بالله ...
حنا من دونهم شعار و نجوم إتدال بها العرب دروبها ..... حنا المشرق إن كان الشعر ظلت شمسه مغربه .. وحنا السلاطين ان كان للشعر عرررش ماهو ( براق ) !!! .... وحنا هل الوقفات والطولات ماهو ( مسجات ) إن عودت للقبايل دور ..
واسمحولي يا عيال عمي ان كان كلامي ازعج البعض او طولت عليكم
ولكن والله كلام من زمان خاشه بقلبي ماهو عشان سبيع .. والله عشان الحال الي وصل فيه الشعر كنت مبعد عن التلفزيون ومقضي وقتي بالانترنت ابحث عن الي ما اظهره التلفزيون .. لكن يوم شفت الفرااعنه بالتصويت والعالم إتعزوااا والي يصيح وينكم يا الغلبا والعالم مستنفره ههههههه
قلت لا بالله العالم انهبلت هههههههه
أما ذالحين عاد بعد يبون يشركون سبيع بشاعر المليون ؟؟ لا بالله غدينا .. ومن الي يقيم شعار سبيع ؟ مع احترامي وتقديري لهم : حمد السعيد يقيم شعار سبيع ؟ د. غسان ؟ تركي المريخي ؟ الي نص كلامه انا أشكر و أنا اشكر و أنا اشكر . الخ ..
لا اله الا الله وحده لا شريك الله
واعذروني على الاطاله
وكان هذا موقفي من شعار هالوقت و بالاخص برامج ( المسجات )
وهاذي وجهة نظري حتى مايكون فيه من يخالفني الرأي ثم يعاديني وأنا بن عمه هههههه
والسلام عليكم ورحمة الله و بركاته
|