كــــل ماهـــب نســــناسٍ لعبــــــي = واعذابـــي كــل مانسنس هبــــــوب
أختلف واضيع وانسى وين دربــي = الشمالي شرق والغربي جنــــــــوب
الهبايب امرهــا بيــــدين ربـــــــي = بس انـا منها على الامر مغلــــــوب
المحبه مالــها ياسعــود طــــــــبي = كود جمعاٍ شمسها تنسى الغـــــروب
ان شكيت اهل الحكي قالو يحـــبي = كن ربي ماخــلق فيهــم قـــــــــــلوب
وان سكت النار في جوفي تشـــبي = ولعت في داخـــلي نــارٍ تجــــــــوب
أنتظر بعض الليالي وش تخـــــبي = ليت لي عن بعض قاسيها هــــروب
لاتصدق صاحبي منهــو يســـــبي = مايعيب الناس شخصِ به عـــــــيوب
حاسدٍ كل الخلايق لــــه تهـــــــبي = مايخلي الـــهرج لو المــاء يـــــروب
كب عنك الهرج واهل الهرج كبي = لاتصدق راعي الـــهرج الكـــــذوب
زي ماقالــو يــبان المستخـــــــبي = ينفضح بعد الستر من كل صـــــوب