[عبيد ابو شيبه]

	يا لله يا للي كل يوم انت في شان= يمزلزل اعروش الوجيه القبيحه يا للي خلقت الكون والأنس والجان= يمحرم المترديه والنطيحه تجعل لنا عندك عن الضيق بيبان= وسترن قوي عن الخزى والفضيحه ومن بعدها سطرت بأسبيع قيفان= أهل المزاين والفعول الصريحه وأهل الخيول اللي بها سرج وعنان= ولامدو الهزله بيمنن شحيحه رجالهم بين السلاطين سلطان= ومن يعترض قدام وجهه يزيحه واللبل تراها للسلاطين عنوان =وسبيع هم اهل البكار المضيحه مافرطو فيها على طول ألأزمان=اصايلن ماخالطتها المنيحه لادرهمت تخزي لها الفين شيطان=وعنها قصر ولد الردي في مطيحه من دونها نروي شبا حد وسنان=لاجا لراعيها على القوم صيحه نردها بالغصب لوكان ماكان= ولانستمع من عاذلينا النصيحه عوج الرقاب اللي زهت كل ألألوان=نرعابها المرباع رمثه وشيحه تكفون يأسبيع الوفاء كونو أعوان= ويطيب جرحن بالقلوب الجريحه ياعزوتي كونو على قلب وللسان=يأهل المكارم والوجيه الفليحه