هذه القصيدة لشيخ ا لشاعر الكبير / حمود ابن زامل السبيعي حفظ الله
واستبيحه المعذره في نشرها لما فيها من الحكمه والموعاظ الكثيرة لعل الله ينفع بها الجميع
المجلس اللي فيه غيبه وتحريش
المجلس اللي فيه غيبه وتحريش=ما والله اقلط صوبهم لو دعوني
امفتشين اعراض الاجواد تفتيش=ما خافوا امن الله ولا يستحوني
كباراً لحاهم مير حتى ايش حتى ايش=لانذال ما تعرف وقار الدوني
ما والله آكل عندهم لقمة العيش=زاد الاراذل يحترق في البطوني
لاوني اكل من ذراعي عراميش=ما ترتخي نفسي ال زاد العفوني
اقلط على مجلس خطات المداغيش=اللي ليا قابلتهم يفرحوني
سموت الرجال وفالمراجل هشاهيش=ذباحة الحايل رزان الصحوني
سوالفٍ تجلا صدى القلب وتعيش=من سايبٍ يعطي على ما يبوني
يجيبها من عصر ابو زيد وقريش=سوالف ابطال تشوق العيوني
يوم النشاما تركب الخيل والجيش=والطيبين ابطيبهم يعرفوني
يقصر عن الواجب اقصار المناويش=ما تلحق ايديهم طوال الغصوني
ما غير عند امنقضات العكاريش=تراكت الواجب كبار المتوني
ضباط مال وعند اهلهم مخاييش=ما يتعبون اشداد فج الزغوني
سارين ولا سرحوهن مغابيش=مع تختخٍ دونه تضيع الخموني
قلت مزاهبهم وقدهم معاطيش=وقال الدليلة للعقيد اتبعوني
تغانموا رسٍ كما رس ابو حيش=يبغون قدام العرب يشربوني
رسٍ خلا ما كنفوه القراريش=من فوقه الورقا تجر اللحوني
هذي سوالف مبعدين المناطيش=وان كان في قولي خطا سامحوني
وصلاة ربي عد وبل الرشاريش=على محمد ما مطراً المزوني
واسمحولي ان كان هناك اخطاء املائيه