والله اني اعرف ضباط يتعاملون مع افرادهم مثل ما يتعامل الوالد مع اعياله
وبعض الضباط مسوي فيها زعطه على قولة اهل الشام
ولا نقدر نحكم على الموضوع حتى نعرف اسبابه وابشروا ان شاء الله اسال واجيكم بالتفاصيل
ومره من المررايت فيه عسكري سبيعي الظاهر ان رتبته عريف استقعد له ظابط وهم طالعين مشروع يقول الضابط للسبيعي لازم تحفر خندق قام السبيعي وحفر خندق يمكن نصف متر قال الضابط لازم تعمق الخندق حتى تقف فيه ولا اشوف الا راسك بس
السبيعي ماشاء الله تبارك الله جثة
المهم السبيعي قفلت معه وجلس في الخندق وقال للضابط تعال شف الخندق انا الحين واقف فيه جاء الضابط وكان نحيف ويوم قرب من السبيعي والسبيعي يتله بلعباه في الخندق
ويقبر الضابط في الخندق الا راسه
فصار الضابط في حالة يرثى لها ويصيح يقول طلعوني
جو اخوياه وطلعوه
طبعا انا لا اؤيد العصيان العسكري لكن عندما تسخدم السلطة والقانون في المهايطات والفشخرة على قولة اخونا العود الازرق فقد ياتي الانسان مالا يسره
والعسكرية مبنية على مبدا الخشونة والاستعداد والانضباط
وان فلتت العسكرية فهذا مؤشر سلبي جدا على المدى البعيد
تحياتي
يعني لا نمانع ان يكون الشخص مشاكس بس لا بد ان يكون مشاكس مؤدب